明明幫古天樂慶祝生日,但千嬅企正中間,難怪佢笑到尷尷尬尬。 

同你吟一吟

楊千嬅怕咗古天樂

杜 sir杜琪峯新作《單身男女 2》,星期一(十月十四日)响上水一個豪宅屋苑入面拍攝,仲廣邀傳媒嚟探班。
當日工作人員準備定蛋糕同香檳,為古天樂提早慶祝四十三歲生日,提到生日願望,古仔話年年都係想身體健康,不過今年實在太忙,忙到冇時間陪父母出外旅行,希望明年有機會補番數。除咗健康同家人,記者問佢幾時先成家立室,古仔例牌遊花園:「呢啲同年齡冇關,要慢慢嚟!」

 

疑似古仔舊愛嘅楊千嬅,都已經結埋婚生埋仔,記者叫佢做好心介紹女仔俾古仔相睇,千嬅即刻落閘:「我唔敢呀,我試過(做媒人),最後俾朋友怨。」咁又係,有傳當日吳君如介紹陳妍希俾古仔認識之後,搞到正印陳喬恩大發雷霆嗌分手,唔做媒人三代好,八珍明晒!


古仔生日願望係身體健康,至於搵女朋友,佢話急唔嚟! 

全站熱搜

tvb4life 發表在 痞客邦 留言(0) 人氣()