周汶錡低胸出擊 

社交圈

獨贏

要致勝必先要窺探敵情,總之人冇我有就一定贏,好似四太就連拜山都搶正日,何生睇到都俾個 Like。

 

上週三,周汶錡著住 Sass& Bide開胸裙去 TOD'S活動,全場得佢最性感,自然成為焦點。當周汶錡發現所有鏡頭隊住佢心口,於是刻意用咪遮胸,驚驚哋問記者:「有無走光?其實我 OK,都無嘢睇。」咁謙呀!

李玟籮柚趷趷

李玟上週四為置地廣場活動獻唱時,收起豐胸,落力趷籮俾人影,連老公 Bruce都識交戲,停低兩眼(小圖)。今個月廿七號是二人結婚兩周年,問李玟送乜俾老公?佢皺眉話:「未諗到,老公都有問我要乜?我話兩個人一齊就好開心。」

四太搶拜

本週日重陽節,賭王四奶女何超盈快人一步,在正午時抵達摩星嶺嘅何東家族墓園拜祭,之後四太亦到達會合。著住 LV及膝裙的梁安琪怕曬擔住把遮,和女兒一齊到不同山頭的墳前祭祖,連大婆兒子何猷光都無遺漏。



平時孭名牌手袋的超盈,這日拎住蘇富比環保袋去拜山。 

陳君宜俾仔撩

時裝網站 zeuz.com老闆娘陳君宜的《 Zcoop》雜誌,上週六搞一周年派對,用跑車載嘉賓羅霖、陸詩韻同江若琳到場,一班靚女當街俾鬼仔撩,又搞搞震做攝石人,陳君宜老公鄭躬明睇到扯火。事後問陳君宜,她笑說:「我成日同老公一齊,都好耐無俾仔撩過。」香車美人全被抽水鬼仔搶晒鏡,失策。


鬼仔不但黐影相,仲同另一個朋友攬羅霖和陳君宜(下圖),在旁的鄭躬明睥到行。 

鬼仔抵死到埋去同鄭躬明握手,吹脹! 

撰文、攝影:名人組

 
六十一歲的馬時亨請傳媒手下留情,「我個女唔慣對鏡頭,請你哋唔好影婚禮儀式,當送個禮俾我。」禮成後,一對新人任影唔嬲。 

社交圈

 

馬時亨嫁女 俾人當新郎

 

上週六,前商務及經濟發展局長馬時亨在高盛證券工作的細女馬露玲( Andrea),同拍拖年多的律師符傑廉( Ian)在中環聖約翰座堂行禮。新外父心情靚爆,有問必答︰「女婿肯定爆燈,有一百分!我以為得我錫個女,點知有個人同我爭。」問他可有授予夫妻相處之道?「我哋男人係一家之主,聖經講男人係頭,太太係頸,頸支配個頭,咁多年見我同媽咪相處,她會有體會同感受。」有路過的日本遊客見他接受訪問,好奇走來湊熱鬧影相,搞到他急急澄清:「我唔係新郎。」場面搞笑。

 

 

 

 


家姐馬露明跟妹妹感情要好,兩年前她結婚,阿妹當伴娘,今次就由家姐擔任。 

Ian是車癡,玩新郎時姊妹團搵了十二部車的相片,要他估車名和型號,馬時亨笑言:「我做了考牌官。」 

馬露玲被婚紗繑腳,新郎體貼地踎低為太太整理裙襬。

霍建寧曾引薦馬時亨入熊谷組,老友嫁女,霍建寧當然孖埋老婆一齊嚟。 

本週一晚,一對新人在四季酒店設宴,特首梁振英俾面嚟飲,馬時亨專登落門口迎賓。 

李澤楷比阿哥李澤鉅和阿嫂王儷橋(圓圖)早嚟到,但逗留半個鐘就走。 

三百多萬的 Bentley新娘車,被自由行挨住留倩影。 

撰文、攝影:名人組

全站熱搜

tvb4life 發表在 痞客邦 留言(0) 人氣()