周麗淇興奮揀龍鳳鈪

剛承認與內地小生徐正曦蜜運中的藝人周麗淇(Niki),昨日出席「Just Gold鎮金店秋冬系列發布會」,有愛情滋潤的她不時展露甜笑,獲大會即席送贈龍鳳鈪及讓她挑選,Niki即雙手掩面,並高呼尷尬,但仍興奮地細心挑選。



Just Gold主席及行政總裁鄧鉅明(左二)陪Niki挑選龍鳳鈪。

問她與男友何時結婚?她即甜笑:「邊有咁快,唔想嫁住。好享受依家嘅狀態,冇諗過有咩轉變。(男友想唔想快啲結婚?)冇諗過呢個問題,畀啲空間我哋相處先。」再追問她有關戀情事宜,她均三緘其口,只表示感情事向來低調。問到她是否結婚時才公開講?她說:「冇得呃啦,呢個年代。如果結婚,我都未諗到點處理,可能做晒先講畀大家聽。」對於兩人經常要分隔兩地,她認為情侶應有自己的正常生活及工作,指現時拍拖開心又輕鬆,而胞姐周汶錡對其男友沒有任何評價。


一身紅噹噹的周麗淇,戴上龍鳳鈪後儼如新娘子。

    全站熱搜

    tvb4life 發表在 痞客邦 留言(0) 人氣()