《星夢》掟十萬吸觀眾
鄭俊弘爭冠軍歌星約

#video_player{width:100%;height:100%;}


■《星夢傳奇》月中舉行決賽,相信大熱門鄭俊弘定會努力練歌迎戰!資料圖片及設計對白

無綫嘅《星夢傳奇》早排選出五強,依名次係陳明恩、鄭世豪、羅鈞滿、鄭俊弘同姚兵,決賽定咗喺本月12、13兩日直播舉行,12號當日10點15分至11點45分,由五強施展渾身解數爭入四強,經觀眾全民投票選出四強後,開始第二階段嘅全民投票,直至13號晚最後一首歌為止,觀眾一人一票選出自己心水,甚至唱埋最後一首歌後,仲可以改變自己嘅選擇。
監製麥鎮東透露,當晚會選出冠、亞、季軍,冠軍得金咪大獎同幾十萬獎金獎品,另由譚詠麟、李克勤、肥媽同巫啟賢等組成嘅專業評判團,亦會選出一個「專業推介表現大獎」,不過為免影響觀眾投票,評判團唔會公開評分。聽聞冠軍除咗有獎金獎品外,仲加碼有無綫即將成立嘅唱片部歌星合約一份㖭!至於投票嘅觀眾,有機會獲得5萬現金同5萬獎品,真係幾吸引喎!


■鄭俊弘做過高分王,唔知會唔會再創佳績!
資料圖片


■《星夢》五強將會爭做歌神,至於被叮走嘅陳倩揚可以轉做啦啦隊。
資料圖片


■(左起)李克勤同譚詠麟等會再任評判。
資料圖片

羅鈞滿落力拉票

五強之一嘅羅鈞滿噚日聽到話贏咗有份歌星合約,佢笑言:「我好鍾意唱歌,希望唔好只係簽冠軍啦!」拍緊兩套劇兼要做舞台劇嘅佢,未有太多時間準備,但就希望粉絲會投佢一票。至於粉絲唔多嘅鄭世豪會唔會好蝕底?鄭世豪噚日話唔諗咁多嘢,都係等觀眾睇佢嘅表現投票,總之會集中精神唱好首歌。
版主:陳基征

 

    全站熱搜

    tvb4life 發表在 痞客邦 留言(0) 人氣()