網民狙擊天后四密男 單身王菲神秘R陪身邊

王菲同李亞鵬離婚由於事出突然,震驚兩岸三地,回復單身王菲,萬千菲粉都好關心佢兩大事項,就係幾時復出同埋感情有冇新著落,所以近排佢一舉一動都成為焦點。好似王菲上週五(27日)俾旅客發現佢北京首都機場單拖出現,一個人靜侷check in,形神憔悴,好多人都以為佢去美國會合大女童童,但原來佢係返香港,第日重被人發現佢著住同一件格仔衫同埋波鞋行中環連卡佛睇秋冬新裝,從背面睇王菲似係剪短頭髮,更顯清爽。

好姨聽聞王菲今次只係留港一段短時間,畢竟佢早年已經賣清香港物業,而之後佢會再飛,去國外展開悠長假期,放完假先專心籌備明年中全球巡迴演唱,斷估到時執過億亦絕對唔難。

事業唔憂,但菲姐感情事就令粉絲好擔憂,個個都希望佢第日可以搵返個錫佢真命天子,正所謂皇帝唔急太監急,所以呢期一下子傳聞滿天飛,一時話前夫李亞鵬中秋翻兜,一時又傳前前夫竇唯搏復合,而前度謝霆鋒重出到情書,就連菲姐閨蜜R都被講到有可疑,真係吹脹。

咁話時話,星成日講never say never,相信王菲都唔敢講永世冇可能,不過以上四位男士就無奈地成為全城網民狙擊對象,當中最新出現R(原名Ryan),其實佢以前係菲姐男粉,之後佢friend,R就做偶像御用攝影師,唔單止可以陪住菲姐開騷不停影相,重有得陪佢暢遊西藏聖湖,關係好鬼密切,所以先引網民滿腦問號。

至於其餘三位王的男人,亦各有各生活。上週王菲返港當日,咁係李亞鵬42歲生日,佢同成班公司同事舉行生日會,但唔知邊個夥記咁騎呢,竟然影佢個肥臀close up!至於傲骨竇唯就繼續追佢音樂夢,會今個月推出曲高和寡音樂創作,但佢生活就非常草根,踢拖行超市買衫,老爺電單車去街市同大嬸研究買經,反而霆鋒從商就越撈越出色,最近佢投資一間高級俱樂部,重親自去埋上海監督裝修進度,夠晒親力親為,但無論如何,有一樣霆鋒係一定會做,就係chok住上鏡!

    全站熱搜

    tvb4life 發表在 痞客邦 留言(0) 人氣()