趙世曾環保 舊愛Wendy循環再拖

曾聲稱自己有過萬個女友趙世曾,繼年多前杭州女伴Lena之後,近年佢身邊再冇穩定女友出現。不過,女多趙世曾不愁寂寞,因為再見亦是朋友。何況曾經講過「大家是朋友,無話分唔分手,來往少!」趙世曾,真係遵守承諾,就好似佢對Wendy咁。

02年仲係中女Wendy(許冬梅),入主趙苑成為半個女主人。點知以為自己可以坐正佢,7年後已升格為熟女,失去戰鬥力,難敵多如繁星國內佳麗衝擊,結果自動淡出。不過,趙世曾原來同Wendy仍有來往,重拖手行街非常甜蜜。

日前晚上10時多,好姨圓方食完飯,行去車時撞到趙世曾同Wendy行街。雖然當時唔少舖頭已經閂門,但佢仍然拖住漫步。未幾Wendy發現有人影相,即fing開趙世曾隻手,反方向離開。Wendy見記者尾隨影相,心亂之下不停商場兜圈,之後重走出馬路亂衝亂撞,意圖截的士甩身。但可惜沿途都唔停得車,結果Wendy迫住走番去商場的士站上車。而趙世曾見Wendy走,自己搵番司機上車走人

    全站熱搜

    tvb4life 發表在 痞客邦 留言(0) 人氣()