傅嘉莉騎呢打扮

原本係模特兒嘅傅嘉莉,近排因為拍劇集《衝上雲霄Ⅱ》飾演咖啡妹一角名利雙收,除咗粉絲人數急增,工作量更加大增。最近佢拍新劇《愛我請留言》,監製更加安排一個造型極「重口味」嘅新移民角色畀佢,擺明畀機會佢出位啦!

早前佢去旺角拍外景,當日佢造型極之浮誇,喱士襪、綠鞋、黃衣、紅膠袋一個,仲要即場扮喊,睇到班旺角街坊嘩嘩聲,雖然造型係騎呢,但依然有粉絲要求影相,真係難得!

傅嘉莉呢個造型極之「重口味」,但佢話為部劇不怕犧牲!

人群中即場扮喊,唔使一分鐘竟然喊得出!

喊得出之餘,最後喊到收唔到鼻涕,真係有內心戲!

    全站熱搜

    tvb4life 發表在 痞客邦 留言(0) 人氣()