周秀娜狂摑20巴 Kelvin愈痛愈high

周秀娜(娜姐)近日與關楚耀(Kelvin)以「緋聞男女」姿態頻頻爆光,昨日娜姐更自薦為Kelvin新歌MV做野蠻女友,為新歌《你永遠是對的》MV做女主角,昨日兩人在酒店房內取景,但並非拍纏綿戲份,而是兩人互相推撞的鬧交戲,Kelvin更慘遭娜姐出手喪摑臉頰。



周秀娜自薦為關楚耀擔任MV女主角,果然是「好兄弟」。

問到娜姐喪摑感覺爽不爽?娜姐坦言:「摑到手痛,摑咗廿幾巴,啲男仔見到我咁,乜幻想都冇晒啦。」問到可有纏綿鏡頭?她笑言:「冇啦,呢個已經肌膚之親咗廿幾次啦。」娜姐稱連導演都讚她愈摑愈純熟,打到Kelvin有火。


關楚耀任娜姐掌摑,好讓對方消除工作壓力。
突降呢「好兄弟」

至於被打的Kelvin笑言:「畀娜姐打OK嘅,打到有Feel,好High。」並謂這場掌摑戲份是專登安排給娜姐,因知她工作壓力大,讓她好好發洩一下。Kelvin謂:「我仲叫佢落足力打,點知佢真係毫不留力,有一下真係痛到呆咗,經過今次了解,知道娜姐好『揪』得。」娜姐則謂「好兄弟」沒所謂。

早前娜姐曾言與Kelvin正是「了解當中」,為何現在變了「好兄弟」?娜姐竟說:「不嬲係好朋友,好兄弟呀。」Kelvin可有失望?Kelvin只得說:「冇失望,一直都係朋友。」

文:音樂組

全站熱搜

tvb4life 發表在 痞客邦 留言(0) 人氣()