徐淑敏揀新車 黃浩埋單

#video_player{width:100%;height:100%;}


■徐淑敏同黄浩日前喺保鑣陪同下去銅鑼灣睇賓利名車。

【銅鑼灣】幸福人妻徐淑敏(Suki)啱啱喺上月22號度過29歲生日,老公黃浩都係上個月牛一,日前黃浩揸住法拉利跑車現身銅鑼灣,原來約咗老婆去賓利Bentley睇車,着背心熱褲騷長腿嘅Suki,一早就由保鑣陪住喺門口等老公,兩公婆會合後即煙韌入去睇車。

 

當生日禮物

黃浩喺幾個月前以2億收購咗《都市日報》,身家豐厚嘅佢唔知係咪諗住送新車畀老婆做生日禮物,賓利普通一架入門車坐底都要400萬,絕對襯得起黃氏夫婦身份,興奮嘅Suki第一時間坐上司機位試手感,錫晒老婆嘅黃浩乖乖喺隔籬陪坐,之後仲試坐埋後座感受吓,又打開車尾廂研究。
車行職員見大客光臨當然招呼周到,黃浩同職員傾咗一陣,睇足半粒鐘先離去,黃浩做柴可夫接載老婆走,由於跑車只有雙座位,保鑣開門讓老闆娘上車後至獨自走人。另之前Suki生日,兩家人坐埋一齊食飯慶祝,𠵱家兩公婆喺日本旅行,逍遙快活。
採訪、攝影:比華利


■黃浩陪老婆睇車,唔知係咪送新車畀徐淑敏做生日禮物呢?


■徐淑敏坐上司機位試手感,黃浩就去研究車尾廂。


■保鑣送徐淑敏上車,由黃浩做柴可夫揸跑車離去。

全站熱搜

tvb4life 發表在 痞客邦 留言(0) 人氣()