陳君宜遇賊硬闖 驚慄15分鐘

【劉慰思巴黎直擊】名媛陳君宜自爆巴黎之旅驚險又難忘,不但手機被偷,更有人意圖闖入她的酒店房間。她的同行女友人緊張得用椅子頂着房門,更與對方隔門對峙十五分鐘,幸好最終都有驚無險。



陳君宜提起驚險事,仍猶有餘悸。

富商鄭躬明太太陳君宜於巴黎時間9月30日出席Roger Vivier回顧展酒會,穿上晚裝裙的她明艷照人,期間大爆今次巴黎之旅驚險難忘。她說:「我第一日去咖啡店買嘢飲,畀錢時放低咗手機唔記得拎,返轉頭搵唔番,而我朋友冇耐又畀人偷咗手機。」

搵張櫈頂住度門

除了手機不幸被偷外,更有人意圖闖入她的酒店房間,令她猶有餘悸。她說:「有日有人擰我度房門,好似想闖入嚟,當時我喺廁所,我個同房朋友即刻搵張櫈頂住度門,但嗰個人明知有人喺房都唔走,大家隔門對峙咗成十五分鐘,我哋兩個女仔真係好驚。」問到有否向酒店投訴?她表示酒店職員大話連篇:「首先話嚟送件畀我,之後話嚟整廁所,我懷疑佢哋串通。(搬酒店?)冇,我住多兩晚就走,而且時裝周期間好多酒店都爆滿。依家出入都要提高警覺。」此外,同場亦有台灣女星桂綸鎂、名模Ines de la Fressange,以及中國名模秦舒培等。


高圓圓一派玉女嬌憨模樣。

中國名模秦舒培以一身簡約型格打扮現身。
榮文蔚撇低老公

同日,高圓圓出席Stella McCartney 2014春夏騷,據知她剛在港完成了電影拍攝,便匆匆趕到巴黎,她稱稍後便會忙於電視劇的宣傳工作。而榮文蔚亦出席了Elie Saab 2014春夏時裝騷,她表示只逗留當地兩天,揚言一定會爭取時間購物;她表示老公阮偉文因身體不適,故未有一起到巴黎。


榮文蔚因丈夫抱恙而未能同遊巴黎。

桂綸鎂直言最愛鞋履。

文:名人組

    全站熱搜

    tvb4life 發表在 痞客邦 留言(0) 人氣()