投入錄影獎門人
高海寧曹永廉輪流走光

#video_player{width:100%;height:100%;}


■高海寧打扮密實,點知喺玩遊戲時露少少。
攝影:陳慧安

高海寧(高Ling)、田蕊妮、黎芷珊、陳展鵬、蕭正楠及李璧琦等,前晚喺將軍澳電視廣播城,錄影無綫節目《超級無敵獎門人終極篇》,身為TVB咪神嘅高Ling着咗圓領衫同短褲出現,相比平日晒事業線嘅造型,主持曾志偉都忍唔住出口寸佢:「你上我節目唔使着樽領呀。」
雖然係唔性感,不過當高Ling玩遊戲投入彎腰時,都隱約見到少少心口。相比起高Ling,曹永廉就大方好多,當佢又係彎身玩遊戲時,就成大條股罅畀晒大家睇,只可惜現場觀眾冇乜興趣。


■蕭正楠玩到興起時露埋豬腩肉,真肉酸。

李璧琦勁擦鞋

參加歌唱比賽出身嘅田蕊妮嚟緊出碟,即場唱幾句娛賓,志偉笑佢話好聽過同彭家麗合唱《從不喜歡孤單一個》走晒音嘅朱主席,田蕊妮笑話:「我係跟朱總理學唱歌。」輪到《最佳女主角》主持黎芷珊,佢對志偉話:「唔知點解啲女仔同我傾偈會喊,點解你又冇喊?」志偉笑言:「咁我都唔係女仔,你都唔係喇。」

李璧琦玩食中辣壽司,佢頂唔順要走埋一邊趴喺度,誇張咗少少,唔怪得志偉冇理佢照叫其他人玩。到打乒乓波時,志偉又叫啲人講TVB有乜嘢好處,李璧琦同高Ling都擦晒鞋話人工高福利好,志偉即寸:「講埋啲咁違背良心。」
另外,講到梁家輝明年初唔可以嚟TVB拍劇,志偉話:「我負責搭線,跟吓喇,家輝同我講過明年有兩樣嘢要做,就係拍劇同演舞台劇,不過因電影延遲拍唔到劇。」
版主:陳基征

 


■曹永廉彎身前面冇嘢睇,但就晒咗成條股罅。


■唔少人都食過辣辣壽司,不過冇人似李璧琦咁誇。

全站熱搜

tvb4life 發表在 痞客邦 留言(0) 人氣()