電視撈飯:無綫兩劇一晚四宗綁架


《巨輪》
■陳展鵬喪心病狂,竟然綁架細佬蕭正楠同舊愛鍾嘉欣。
電視圖片

無綫新劇《巨輪》啱啱喺星期一出街,套劇講兄弟倫理情仇,第一集就有場蕭正楠同鍾嘉欣俾人綁架嘅戲份,而綁匪之一竟然係蕭正楠大佬,亦即係嘉欣BB嘅舊愛陳展鵬,劇情好似幾離奇刺激咁喎!

不過,唔知係咁啱得咁橋定係冇橋,接住播嘅《神鎗狙擊》,一個鐘頭內就有三場綁架戲,第一round係周海媚(海味)俾人綁架,好彩俾張兆輝救出,不過跟住兩round就成功綁架咗楊愛瑾(Miki)同海味!兩劇嘅綁架贖款都係五千萬,不過Miki就值錢啲,贖款要美金,相反蕭正楠只值五千萬港幣。無綫一日兩劇有四場綁架戲,都可以媲美當年羅樂林一日死七次嘅紀錄!
《神鎗》監製關永忠都笑住話:「我喺屋企由8點鐘睇電視,睇到都覺得好無奈,呢啲係公司安排,我又冇睇晒其他劇,咁啱同一日播,人生同戲劇一樣,都係好多巧合,真係有咁啱得咁橋!」


蕭正楠
電視圖片


《神鎗狙擊》
■周海媚接到電話,妹妹Miki被綁架。
電視圖片


《神鎗狙擊》
■前晚第11集,周海媚俾人綁架兩次,呢round成功咗。電視圖片

橋段都係幾味

兩個鐘有四場綁架戲又確係多咗,唔通一句「如有雷同,實屬巧合」就過到骨?網民仲發現近年無綫好多劇嘅橋段都係嗰幾味,強姦戲就有《名媛望族》嘅楊怡、《雷霆掃毒》嘅徐子珊、《法網狙擊》嘅高海寧、同埋《天梯》嘅陳茵媺。至於《真相》嘅李司棋同《心路GPS》嘅劉蔚萱都俾人虐打,真係「巧」巧合囉!
版主:陳基征


■《巨輪》玩恩怨情仇,應該好啱師奶睇。
劇照


■徐子珊喺《雷霆掃毒》嘅一秒強姦戲,成為經典。劇照

    全站熱搜

    tvb4life 發表在 痞客邦 留言(0) 人氣()