理大廣告設計系 Yr.2陳曼姿( Shirley)20歲的 Shirley只有一次似有若無的拍拖經驗,「其實爸爸嘅事都令我對揀男朋友謹慎好多。揀男友一定要錫我同媽咪,最緊要要孝順!」 

U花 U草

陳曼姿 家暴回憶 理大廣告妹被偷走的幸福

要 90後晚晚準時返屋企食飯難過登天,不是嫌媽媽住家菜冇新意、就嫌家人煩,身在福中不知福!
就讀理大廣告設計系 Yr.2的陳曼姿( Shirley)就好黐家,就算功課有多忙,她都堅持每晚回家與媽媽撐枱腳。 20歲的 Shirley不能忘記:「我小學時發生過家暴,父母因此離婚,只有媽媽湊大我及妹妹,所以就算幾忙,我都會返屋企同佢食飯。我哋情同姊妹,平日仲會一齊煲劇傾心事,總之媽媽係我嘅一切!」

 


雖然修讀廣告設計,但 Shirley卻心願開咖啡店。「將來間 cafe最好開喺高樓底嘅地方、或者地下室,唔想好似旺角啲 cafe咁烏煙瘴氣,我想畀客人喺啲枱凳度自由畫畫、傾吓偈,坐成日都冇所謂!」 

外表堅強的 Shirley來自破碎家庭,提起兒時父親的家暴,至今仍好激動。「小學爸爸成日飲醉酒,之後就會搵我哋出氣,有次佢又飲醉,周圍掟嘢,其間爸爸仲衝入廚房攞刀,話要殺咗我,媽媽上前擋,佢再好凶話要斬死我哋全家,好彩最終冇劈落嚟,𠵱家諗番都好驚,我成日諗點解有個咁嘅老豆!」

爸爸睇死冇 U讀

自此父母離婚, Shirley亦沒有再跟爸爸聯絡,唯一是大學放榜那天。「我向來成績好差,爸爸一向睇死我讀唔到書、升唔到大學,佢仲成日將我同佢出面第二個女人生嘅仔比較,人哋碩士畢業,做藥劑師。我受幾多苦都唔緊要,佢睇唔起阿媽生個冇用嘅女就唔得,加上媽媽同我講:『𠵱家我咩都冇,得番你同妹妹,你哋要生性!』就係呢句,我就好畀心機讀書,朋友去玩我就溫書,考高考前大半年每日仲朝 10晚 10喺屋企溫書,結果成功考入理大,我要佢(爸爸)知道佢睇錯,佢睇唔起媽媽都係錯!」
雖然順利升讀大學,不過 Shirley坦言廣告設計未必適合自己,「其實我最想開間咖啡店同媽咪一齊打理,媽咪係家庭主婦,以前我讀中學嗰時佢就會去咖啡店打躉,我放學就去搵佢。由於我哋係熟客,嗰度啲人會教我哋煲咖啡,用咩豆最靚,所以慢慢對咖啡產生興趣,上年仲特登去韓國啲咖啡店度偷師,參考吓佢哋嘅風格!平時喺屋企會同媽咪一齊煲咖啡,𠵱家我都有做吓兼職模特兒,希望快啲儲夠錢開咖啡店令媽咪開心!」

中學老師當透明

曾就讀聖士提反女子中學的 Shirley(中)自問成績中下,「臨放榜高考,老師問我揀好讀邊間副學士未,完全覺得我冇可能入到大學,啲老師都好現實,對成績好嘅同學就有傾有講,對我哋就不瞅不睬!」

媽咪係知己

Shirley與媽媽感情要好,情同姊妹。「早前媽咪去完上海,知佢一落機肚餓,我就喺屋企煮定飯等佢返嚟一齊食。上年我住宿舍,我哋仲日日傾電話,媽咪十足我知己一樣!」

U花 U草:

只要是各大專界的靚仔靚女,《 FACE》就會介紹給大家認識。


撰文:葉浩婷
攝影:崔百祥
化妝: Berry@Brighten Up Image Production
形象: Bryan@the Flaming
服裝: Bershka

    全站熱搜

    tvb4life 發表在 痞客邦 留言(0) 人氣()