栢芝帶兩仔溫哥華開學
霆鋒嘆阿媽靚湯慶生

#video_player{width:100%;height:100%;}


■霆鋒前天生日前夕都要拍戲,拎住支雪茄去開工,而前妻栢芝就同兩個仔喺溫哥華。

【中環→觀塘碼頭】謝霆鋒噚日33歲牛一,近排佢忙緊同周潤發拍王晶執導嘅新戲《賭城風雲》,連生日前夕都要開工,前日傍晚6點幾,霆鋒坐保母車離開中環半山寶雲道寓所,直去觀塘碼頭上船出海拍攝。

 

婷婷:哥哥Love u

戴cap帽踢拖嘅霆鋒,雖然生日前夕都着到全身黑色,佢落車時隻手仲揸住支大雪茄,襯番晒佢製作公司老闆身份,霆鋒chok住落船,直至晚上8點幾劇組都未回航,睇嚟佢要趕拍夜戲,喺工作中迎接生日。
噚日下晝4點幾,狄波拉帶愛心湯嚟探霆鋒,問送乜畀囝囝做生日禮物?拉姑笑笑口話:「呢份咪禮物囉。」不過就唔見Lucas同Quintus嚟同老竇慶祝,原來張栢芝帶咗兩個仔移民溫哥華,日前三母子現身Surrey區飲茶,有消息話栢芝喺嗰度買咗三千呎大屋,仲幫囝囝搞咗入學手續。


■霆鋒着到成身黑色踢拖開工,係咪冇囝囝陪慶祝心情唔好呢!


■霆鋒前日坐船出海拍《賭城風雲》,拍到夜晚8點幾都未收工。

另外,謝婷婷噚日下晝喺微博擺兄妹相留言祝福:「哥哥生日快樂! Love u」經理人霍汶希亦發微博:「謝謝各位鋒蜜的祝福!你們的boss還在船上拍戲過生日呢!」至於同霆鋒傳緋聞嘅周迅就冇影,真係避嫌避得好徹底。
採訪、攝影:羅德光、陳志嵐、楊浩賢、吳耀輝


張栢芝 資料圖片


■狄波拉噚日帶愛心湯上霆鋒屋企,幫寶貝仔慶祝生日。


■謝婷婷噚日喺微博上載兄妹相,祝哥哥生日快樂。微博圖片

全站熱搜

tvb4life 發表在 痞客邦 留言(0) 人氣()