【亂噏24】【第8集】Cool魔型爆駕到
肥佬黎彈電視編劇唔掂

#video_player{width:100%;height:100%;}


■肥佬黎(左)和蔡瀾(右)對「Cool魔」張智霖讚不絕口,蔡瀾更將他與張國榮相比。攝影:李漢基

無綫劇《衝上雲霄II》平均收視超過30點(約193萬觀眾),衝着張智霖(Chilam)飾演的Cool魔而看的不計其數。劇中有名言「我都係鍾意同女人切磋多啲」的他,今次深入虎穴與兩名大男人黎智英、蔡瀾一齊亂噏,不能單靠在鏡頭前扮瀟灑過骨,惟有分享其處世之道,就是慢活及一切唯心造,機會自然來。蔡瀾預料他會在事業再上雲霄,現只欠一些際遇。《亂噏24》逢周四晚上11時播出,可在http://bit.ly/appletalk24重溫。撰文:馮國康、Sidekick

相信熟悉無綫劇《衝上雲霄II》中Cool魔性格的讀者,都知他習慣在最後一刻先出現。不過,張智霖當日錄影《亂噏24》不敢怠慢,一早便與助手到場準備,這是尊重兩位前輩主持的表現。黎智英(肥佬黎)甫見他便說:「嘩,𠵱家你紅得好緊要!」Chilam不敢邀功:「多得你哋啦!」蔡瀾更將他媲美張國榮:「你靚仔過佢!」幾句熱情開場白為節目揭開序幕。
娛圈從來跟紅頂白,剎那光輝不代表永恒,Chilam憑《衝上雲霄II》人氣爆燈,肥佬黎便順口問:「係咪覺得喺娛圈,當運氣嚟你擋都擋唔到?」Chilam以平常心看待,因他經歷過無數次忽然爆紅、忽然被遺忘的過去,就如他十幾年前拍無綫劇《十月初五的月光》,飾演啞巴初哥哥的他被捧到上天,Chilam說:「我出道時候係唱歌先,一定要話畀黎生聽,頭先佢問我識唔識唱歌。」原來肥佬黎不知Chilam是歌手出身,事實上91年他出道時,便憑與許秋怡合唱的《現代愛情故事》竄紅,那是飛圖卡拉OK年代。


■張智霖憑《衝上雲霄II》中的Cool魔一角,事業再衝上雲霄。劇照

Chilam喜愛慢活

現實中的Chilam與Cool魔一樣,做事率性隨心,不愛趕頭趕命,寧願慢慢享受過程,他說:「我都唔知我啲朋友、屋企人趕乜嘢!」肥佬黎自爆自己都是心急的人,但會盡快完成工作來騰出空餘、獨處的時間:「我唔想自己真係好忙,因為我基本上係唔鍾意做嘢嘅人。如果你唔使我做嘢,我係好開心㗎!」Chilam頗有相逢恨晚感覺:「其實我都係,我最唔鍾意做嘢!」
肥佬黎席間分享成功之道,原來來自母親的催眠式鼓勵,他說:「好似俾我阿媽洗咗腦咁!有一日我覺得我實掂㗎,實發嘅,實出人頭地㗎!所以好多發嘅人我從來唔羨慕,我唯一羨慕係睇見𡃁仔,吖呢條女咁靚嘅?哇哈哈,我點媾條咁靚嘅女呢?」引得哄堂大笑。
Chilam之所以加入娛圈,原來又是出於偶然。當年他在澳洲讀書返港放暑假,其表姐上山詩鈉介紹他給Tony Chiu(製作公司負責人)認識,後來便加入飛圖做歌手,他說:「咁試吓唱就試到𠵱家。」蔡瀾將Chilam歸類為「中午劇場的偶像」,雖然現在很紅,但仍要等候一個機會去突破,他說:「如果有個人有啲遠見嘅話,應該搵你嚟拍番《胭脂扣》。」Chilam受寵若驚說:「拜託你啦蔡San!」可惜蔡瀾說:「我唔玩啦!」

 

劇集內容似執藥

《衝上雲霄II》是近年無綫鮮有的誠意之作,事實上無綫劇集屢被批評沉悶老套,了無新意,肥佬黎說:「20年前啲電視劇好過𠵱家!佢成日諗住呢啲係順嫂睇、老人家睇。」蔡瀾有感而發:「報新聞都係咁,𠵱家係白癡嘅!」肥佬黎認為劇集質素差,主要是編劇問題:「我講嗰啲白癡電視劇,係畀一個formula限制咗。佢哋將所有嘢好似執藥咁執晒落去,咁就冇創造性。」不過肥佬黎又補充:「老闆話如果收視唔夠,炒㗎大佬!」道出編劇的兩難。
席間Chilam分享了對外國劇集的看法,蔡瀾推薦罪案劇《絕命毒師》(Breaking Bad),原來Chilam都有追看,他說:「嘩好睇到,冇可能出現喺香港!」並羨慕當地演員可遇上這些出色劇本。肥佬黎戥Chilam不值,事關遇上垃圾編劇,可能要被迫在鏡頭前做「戇居嘢」。他憶述當年打工,永遠碰到一些「白癡」老闆,逼使他自己創業:「大佬我完成咗畀你咪得囉!做乜要按照你個做法呢?佢哋覺得冇面子呀,冚扮爛都係白癡嚟。所以最後點解我自己做生意,仆街,我成日同埋啲白癡嘅!」

 

【亂噏24】【第8集】
肥佬黎教仔打走惡人


■對於肥佬黎讓兒子將恰人的同學「打到出血」,張智霖聽到冒汗。

Chilam現在爆紅,自然成為狗仔隊的目標,妻子袁詠儀最擔心囝囝慕童受影響,問他可感受到壓力?Chilam說:「好難答喎,佢媽咪比較緊張啲,我就放任少少。第一,我又唔覺得佢(狗仔隊)係壞人嚟;第二,呢個係香港娛樂圈套餐嚟,我又唔係做乜傷天害理嘅事,咁你做明星,你都要有呢啲嘢㗎,咪俾人影囉。」成為某報目標的肥佬黎,也有感而發:「有間報館跟咗我成年,日日喺度㗎。就算我啲細路仔講,我覺得唔好講,我話你當佢完全唔存在,唔好將呢樣嘢,當為一種壓力。」
蔡瀾認為狗仔隊可能對小孩造成無形傷害,如老師和同學之間怎樣對待他。肥佬黎以自己的兒子為例,向Chilam分享:「梗有啲死𡃁仔恰人為樂,我就永遠都帶佢返學校,邊個恰你嘅,同佢打,打到出血為止,打到嗰條友驚為止,以後唔敢恰囉!」Chilam邊聽邊冒汗,只笑說:「如果將佢拍成電視劇,當然會好精采,好man,但一定俾人投訴!教壞細路呀,不合理情節呀!」

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()