博出位
睡態百出
瞓覺同呼吸,係人生不可缺少嘅重要環節。但係做藝人要捱更抵夜,通宵工作在所難免,所以一有時間佢哋就會爭取機會休息。聞說睡姿可以反映個人性格,又睇下呢班藝人個瞓覺樣點樣顯現真個性。

曾志偉醉瞓得
曾志偉口才了得眾所周知,但醉瞓都係佢強項之一。呢日李克勤就同大家分享志偉睡相。當日為譚詠麟慶祝生日,興奮到飲大咗嘅志偉醉住瞓。平日動作大大嘅志偉,難得瞓覺咁斯文,起碼唔會成 pat爛泥撻响度。

姚子羚攬壯男
一個人可能會寂寞,姚子羚就搵到個伴陪瞓。睇下佢拍新劇《愛我請留言》嗰陣,挨實男士壯臂,瞓緊都笑瞇瞇,甜到漏,完全唔想起身。

李詩韻蒙頭睡
李詩韻呢排忙住拍內地劇《風雲天地》,難得出發返內地前有假放,佢立即約周公見面,大被蓋過頭,一副請勿打擾模樣。有說咁嘅睡姿代表內心軟弱,遇到困難寧願自己承受痛苦。唔通拍劇壓力太大,解決唔到。

樂瞳睡寶寶
樂瞳喺劇集經常扮演活潑好動嘅角色,估唔到鏡頭後係一隻爛瞓豬,開開下工都瞓得着。好姊妹龔嘉欣坐喺瞓緊覺嘅樂瞳隔籬,作狀咀佢,點知樂瞳依然毫冇反應。不過媽咪姐睇番龔嘉欣嘅微博,佢就將樂小姐打錯咗做龔小姐(紅圈),睇嚟龔嘉欣好眼瞓喎!

tvb4life 發表在 痞客邦 留言(0) 人氣()