嘩,熱死人呀!
(設計對白)
吳君如 貪靚生熱痱
女人貪靚,合乎情理也。
上周四( 22日),袁詠儀、吳君如同郭晉安應邀出席麥當勞活動,三位嘉賓都好乖着住大會圓領 T恤出場。但不甘平凡嘅君如,發揮小宇宙,將圓領 Tee修剪成 V領 Tee搶鏡不在話下,更不理酷熱天氣警告,整多件紅黑格仔皮背心,的確「巧型」。

但型就要付出代價!見佢做訪問時不停用紙巾抹汗,睇見都戥佢熱。媽咪姐驚佢焗到生熱痱咋,陰功!

安仔同靚靚好正統,依照大會規格,但君如卻無端整條事業線出嚟,真係冇嗰樣整嗰樣。

大會當日嘅遊戲唔使跑、唔使跳,完全唔激烈,但着多咗件「皮背心」嘅君如就熱到變「成吉思汗」個妹「成身是汗」。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()