超蕸笑晒,鼓勵義工學生戮力籌款, Nice喎。
媽咪姐
何超蕸 王賢誌 企街籌款
賭王何鴻燊女兒何超蕸平日較為低調,但為慈善就相當出力。本周三( 28日),身為東華三院總理嘅何超蕸,一早就聯同一班學生喺金鐘街頭賣旗籌款。何超蕸不停游走到不同地鐵站出口,一邊賣旗一邊為學生打氣。之後媽咪姐喺灣仔,竟然又撞到同係東華總理嘅王賢誌幫手賣旗,見佢跟一眾學生四圍「兜客」,非常戮力。事後問番王賢誌,原來佢三年前已經開始參與賣旗活動,仲話當日所有總理都有幫手,賣完旗會齊齊去銀行交收善款,然後去飲茶,聚吓㖭!

 何超蕸除努力勸捐外,更身體力行,即場俾錢買旗以示支持。

 王賢誌呼籲途人慷慨解囊,捐錢買旗,睇嚟佢成績唔錯。

賣旗期間,有途人替王賢誌及義工學生團影相留念㖭。

tvb4life 發表在 痞客邦 留言(0) 人氣()