黃日華同關寶慧全「情」投入,嗌咗 cut都唔捨得放手。華哥,因住華嫂呷醋,扭你耳仔喎!

媽咪姐
黃日華、關寶慧 攬到實
雖然政府仍未向王維基嘅「香港電視」發牌,不過王生好有信心,所以劇集繼續開拍。上周四( 22日),重頭劇《歲月樓情》喺大窩口社區中心拍攝一場中秋晚會踩氣球戲份,飾演兩夫婦嘅黃日華同關寶慧非常入戲,攬到實拍攝,直至導演嗌咗 cut,佢哋都唔記得鬆開手囉,真寃氣!媽咪姐趁華哥拍得咁開心,就膽粗粗問佢仲有冇「爆火華」上身呀?佢就話:「家下開工收工咁準時,又唔使飛紙仔,不知幾開心,都冇藉口再火爆啦!」咁又係!

關寶慧同黃日華拍「踩波波」都肉緊成咁,旁邊啲配角又咁驚恐,唔知嘅,以為佢哋拍緊驚慄片㖭。

黃日華終於要唞吓氣啦!不過佢咁多位唔企,企正打燈位,搞到好似生鬚咁,個樣好鬼滑稽。

黃太梁潔華

tvb4life 發表在 痞客邦 留言(0) 人氣()