揞名爆
「乖乖女」變咗啦!
睇名就知,喺公仔箱上緊位嘅「乖乖女」,一向俾人印象又 nice又 sweet!係唔少男人嘅女神嚟㗎。不過咁,人嘅嘢,真係會變。


有圈中二五就同媽咪姐爆咗單料,話說有次「乖乖女」接咗單登台 job,喺一個私人聚會唱兩首歌。呢個 show都唔細㗎!仲請咗其他藝人歌手表演。之但係,阿「乖乖女」同助手一嚟到,就同主辦單位講要唱先,又話自己趕住走云云。 Well,查實在場有歌手仲紅過佢、資歷深過佢,人哋都冇出聲爭出場囉!好啦,咁主辦單位卒之應承俾「乖乖女」早啲出場,但呢位花旦無特別講多謝都算,塊面仲 keep住無乜笑容,唔多睬人㖭。
簡單嚟講,就係同平日笑晒又乖巧嘅樣,差咗十萬八千里,主辦單位都差啲以為自己「請錯」人呀!唉,算啦,媽咪姐有咩未見過,只想奉勸「乖乖女」一句,喺呢行生存,任你有晒「天時」同「地利」,如果無「人和」,都走唔到好遠路㗎!
「乖乖女」係邊個?
1.選美出身
2.外國返嚟㗎!可能無聽過「驕兵必敗」啦。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()