揞名爆
「肉酸」唔識教仔累街坊
依家大家成日講乜嘢「怪獸家長」同「港孩」,媽咪姐都見唔少!有時覺得「家家有本難唸的經」,好想用包容嘅心去接受佢哋,之但係……真係好惡啃囉!


好似啱啱就有個 friend向媽咪姐呻爆,話最近佢間舖俾一個前所未見咁曳嘅小朋友「搗亂」,而嗰個仲要係……女影星「肉酸」個仔喎!查實一班明星藝人為咗面子,點都會喺街外人面前,管教吓啲仔女。不過,好明顯,「肉酸」係無教到,又或者係管唔到。當日阿「肉酸仔」喺舖頭入面,完全處於失控狀態,跑嚟跑去,橫衝直撞都算嘞!佢仲亂搞人哋啲貨,整跌落地又當無事。 OMG!媽咪姐個 friend見到咁嘅場面,真係想吐血。
咁阿「肉酸」都有話吓個仔嘅,但阿仔就當佢唱歌。終於等到佢兩母子走咗,成間舖先回復平靜。查實呢,「肉酸仔」都唔細嘞,「肉酸」同老公「大眼」再唔教,第日都係累己又累人囉。
邊個係「肉酸」?
1.選美出身
2.大情大性
邊個係「大眼」?
1.唱歌又拍戲㗎!
2.以前多女冧,依家仲多女冧

tvb4life 發表在 痞客邦 留言(0) 人氣()