媽咪姐
亞視死撐 盛品儒 hea爆
早前通訊事務管理局裁定,王征違反條例干預亞視運作,重罰 100萬元,更要求亞視執行董事盛品儒於周一( 9月 2日)前離職。「亞洲會」與一班亞視藝人周三( 8月 28日)就去咗政府總部撐亞視,有傳盛品儒將會率領在場人士,高唱亞視台歌《大俠霍元甲》主題曲〈萬里長城永不倒〉。

媽咪姐一心等住聽「萬里長城永不倒、千里黃河水滔滔」㗎嘛,呀唓,活動下午 3點鐘開波,說好了的盛品儒同「長城」一直唔見影,反而「亞洲人」交足戲,先唱出〈大丈夫〉;其後高層葉家寶又上台發言,咩無綫亞視收視六四開,要做亞洲 CNN云云……咦,上年 11月集會嗰陣咪講過囉。 Loop完又翻 loop,果然係亞視吖!
擾攘了近一個鐘,臨近完場 4點左右,盛品儒先施施然到場。上台係咁意講咗兩句「多謝」,落台又唔肯接受傳媒訪問。前後逗留唔夠 10分鐘,盛品儒就一支箭閃咗去,表現 hea爆。

接近活動尾聲,盛品儒先到場。佢上台係咁意講咗兩句多謝,鞠咗個躬就走咗。過程真係快過打針。

盛品儒冇唱〈萬里長城永不倒〉,反而一班亞生以及亞洲之子亢帥克一齊舉牌唱〈大丈夫〉。

「亞洲會」會長魏秋樺(左)、亞視高層葉家寶(右)一齊出席集會,但講嚟講去都係三幅被。


後來發現媽咪姐,盛品儒即時收埋手機,企喺王征隔籬交戲。 

媽咪姐

行街一樣 hea

騷 hea, shopping一樣 hea!早前,媽咪姐就見到盛品儒同王征一齊去中環 ifc行街。嘩,同老細行街喎,梗係要打醒十二分精神,但盛品儒唔單止冇如影隨形俾意見,仲頻頻篤手機打發時間。

 

難得王征又唔介意噃。咁梗係啦,嗰個係自己堂細佬嚟㗎嘛。他日盛品儒真係離開亞視都唔憂出路,大可以日日陪堂哥行街街。


老闆揀手袋,盛品儒理都唔理,係咁篤手機。 

當日王征喺專賣鱷魚皮具嘅 Kwanpen買咗唔少嘢,不過身後嘅盛品儒唔醒目,故態復萌繼續篤手機。 

全站熱搜

tvb4life 發表在 痞客邦 留言(0) 人氣()