《衝 II》帶挈　孫慧雪谷胸𢱑銀

劇集《衝上雲霄 II》近期熱爆，帶挈埋一班綠葉，好似喺劇入面飾演空姐嘅孫慧雪（阿雪）雖然喺劇中行行企企，但都有醫學美容集團睇中搵佢拍廣告。講起嚟，阿雪初出道喺《美女廚房》做助手「飯」，只係露吓小蠻腰，今次難得有機會，當然全力谷胸上陣。拍廣告當日，阿雪雖然連續拍咗九粒鐘，但辛苦有價值，因為一日已賺到六位數字，恨死好多捱生捱死得個吉嘅打工仔呀！

孫慧雪喺《衝 II》入面雖然屬閒角，但過鏡率都好高㗎！

孫慧雪（左）喺《美女廚房》擔任助手粥粉麵飯中的「飯」，當時都有 noise㗎！