冧仔樣進入酒吧後他們走到吧台的盡頭,該處燈光明顯昏暗, Jeana情深款款地望住大隻 King,兩人有講有笑旁若無人。 

娛樂喧

何佩瑜 撇柏文 搬新竇 Jeana 酒吧 釣 大隻King 趙勁皓

𡃁模何佩瑜( Jeana)憑 33C上圍極速上位,去年撻着張栢芝胞弟張柏文,熱戀期間愛得癡纏,可惜男方玩多過做,毫無上進心。 Jeana年初曾提出分手,未幾又玩復合,上月更被影到齊齊返回跑馬地同居的愛巢。
男友靠唔住, Jeana決心斬纜,日前她已搬離跑馬地,租住大角嘴海桃灣。上周五( 23日) Jeana健身後由大隻師弟趙勁皓( King)接走去蒲吧,兩人把酒談心兩粒鐘才離開。原來 King是三間酒吧的股東,下月還會與友人合資開健身室,論身家當然未去到叫有錢仔,但勝在後生大隻有生意頭腦,點計都好過大食懶。

 

去年 Jeana與張柏文形影不離,今年二月更在張栢芝名下跑馬地單位同居,但不出半年,男方便傳出有第三者,甚至有指大部分生活開支都由 Jeana支付,兩人最終難逃分手收場。
年前栢芝與霆鋒離婚,既要湊仔又要搵錢,柏文開始要自力更生。知情者透露,「以 Jeana嘅條件,要搵男人照顧唔難。偏偏就俾柏文𠱁到。但柏文晚晚同啲二世祖去蒲,班有錢仔俾車佢放上網賣益佢賺佣,最後柏文都懶懶閒做唔到成績。呢啲男人點跟得落㗎!好彩 Jeana都醒,分手即搵地方搬,依家不知幾多仔埋身。」
最近 Jeana除接拍《喜愛夜蒲 3》外, 11月還會參演一套功夫片。每星期她到夜場做 DJ打碟,早前還擔任美容公司代言人,豬籠入水下,她以月租兩萬入住大角嘴海桃灣一個 700呎單位。


除了細聲講大聲笑,大隻 King同 Jeana不時拿出手機互相研究。現場所見, Jeana不時輕倚對方,心口走晒光都唔知。 

兩人在酒吧傾足兩小時才離開,大隻 King還很有風度地截的士送 Jeana離開。 

依依不捨

雖然已到 Jeana位於大角嘴海桃灣新居,兩人仍依依不捨繼續談心,傾到差不多半夜 12時, Jeana才真正歸家。


健身室會合

上周五( 23日),大隻 King在加拿芬道的健身室等 Jeana跑完步,一同前往位於亞士厘道的酒吧。其實步行路程只需十分鐘,但兩人竟選擇搭的士。

前後腳

雖然 Jeana素顏上陣,但下車後仍被不少途人認出,警覺性高的大隻 King不時四處張望,兩人前後腳入大廈。

搵大隻仔解悶


今年在書展推出的寫真集《人魚線上的卡夫卡》, King狂露腹肌與人魚線,深受男同志歡迎。 

上周五( 23日)晚 8時許, Jeana在尖沙嘴一健身中心跑步 keep fit,離開時隨行多了一位頭戴 cap帽身形魁梧的男子,原來是早前出寫真的 A&F男模趙勁皓( King),二人同坐的士去亞士厘道,直上位於一幢商業中心 7樓的酒吧。
素顏 Jeana當晚身穿熱褲、白色貼身 V領 T恤,上圍逼爆,她與大隻 King坐在吧台一角陰暗處,有講有笑,四目交投時 Jeana笑得特別甜,更不經意地把身體挨近對方。據酒吧職員表示,大隻 King是酒吧其中一位股東,當問及 Jeana是否與老闆拍拖,職員笑說:「我哋乜都唔知㗎!但係最近 Jeana成日都有嚟!有時坐好耐先走。」

此情不再

Jeana與張柏文的戀情只維持了一年多,兩人看似打風打唔甩,經常在微博隔空傳情,柏文更稱 Jeana做老婆。想不到在跑馬地愛巢(左圖)同居不出半年便宣布玩完。

King:我知佢單身

兩人在酒吧談心兩個多小時後,大隻 King送 Jeana返回新居海桃灣,二人下車後站在大閘門前再傾偈差不多近一小時。
記者致電大隻 King,對於夜會 Jeana,他直認不諱,「我哋識咗一年,最近都會一齊飲吓嘢,夜晚送女仔返屋企係風度。(係咪追緊 Jeana?)我知佢依家單身,不過佢咁多選擇,都唔輪到我啦!(你係間酒吧嘅老闆?)我只係其中一個小股東,其實我仲有一間同志吧同一間清吧,遲啲仲會開多間健身室。」
據知回復單身的 Jeana認識不少富二代,當中不乏追求者,對於大隻 King這隻潛質股,當然不會放過。 Jeana在電話回應說:「 King充滿陽光氣息,會令女仔好開心,不過現階段我唔會咁快再拍拖。( King係酒吧老闆,咁上進,係咪你想搵嘅類型?)我同佢傾到偈,以佢呢個年紀有咁嘅發展,我都戥佢高興。(同柏文係咪真分手?會唔會再復合?)我係搬走咗,依家仲係朋友關係。我好享受一個人生活,訓練緊自己獨立。」 24歲的 Jeana,仲有大把時間可以慢慢揀,千祈唔好搵個無上進心嘅就得喇!

拉筋學功夫

因為年尾會接拍一套功夫片,所以 Jeana最近開始鍛煉身體的柔軟度,更會拜李家鼎為師學功夫。

男女通殺

趙勁皓( King)現年 25歲,於香港中文大學中文系畢業,早年是香港籃球聯賽男子甲組的前鋒。去年成為 A&F男模進軍娛樂圈,今年更在書展推出露肉寫真集。
早前 King的台灣籍前女友公開與他的親密牀照,又有傳內地富商劉老闆以 7位數字買下他與同門兄弟的寫真集之外,更合資開設同志吧。大隻 King在網上已被封男神, fans有男有女。


King在微電影《兜售回憶》大戰周秀娜,獻出熒幕第一次。 

去年 King成為 A&F的香港代表,在中環旗艦店被女 fans圍攻。 

撰文:娛樂組
攝影:攝影組 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()