繼後香燈去年 11月,郭晶晶下嫁霍啟剛後,火速為霍家懷孕。有傳原本在鬼節( 20日)剖腹產子的她,最終於本周二( 27日)凌晨 1時許順產。霍啟剛亦於同日中午在微博宣布兒子已經出世,重 3.3公斤(約 7.3磅)。 

滾熱辣

順產 7.3磅霍四代 郭晶晶急補身再追仔

恭喜!恭喜!國寶郭晶晶去年 11月才下嫁霍英東第三代長子長孫霍啟剛,日夜趕工造人之下,終在同月一擊即中成功懷有慈姑椗。周二( 27日),霍啟剛在微博率先宣布郭晶晶為家族誕下 7.3磅 B仔,這名男嬰亦成為霍家首名第四代家族承繼人。
跳水皇后不負眾望為霍家誕下金叵羅,不過據知生完 B仔的她,依然冇得回氣,因要遵從霍家慣例,生夠三個男丁先可以收爐。現年 32歲的她,惟有同時間競賽,生完第一胎後急急補身,再極速追仔。本刊日前更發現霍家大宅擺放一尊巨型「送子壽星公像」,寓意霍家百子千孫。

 

由於是家族第四代首名男孫,霍家上下得悉郭晶晶誕下 7.3磅肥 B,自然狂喜雀躍。有傳在郭晶晶佗 B期間,已獲家族基金撥出一億作獎賞,而 B仔出世後更會每月獲 6萬元零用。
至於榮升老爺的霍震霆,本周二下午打上紅領呔,第一時間趕往郭晶晶分娩的養和醫院探望乖新抱和可愛孫兒,離開醫院時笑晒口向傳媒說:「個 BB好健康好多頭髮,都幾大隻,似父母兩個嘅混合版。我會幫佢改名,呢個係爺爺嘅任務,因為係終生,所以要謹慎啲,但已經有 idea!」

微博報喜

霍啟剛在老婆產子後兩日都留守在醫院內,未有見傳媒,僅在微博宣布喜訊,表示母子平安,以及這兩天要學習湊仔。

霍老爺興奮

周二下午,榮升爺爺的霍震霆離開養和醫院,他透露會為孫仔改名。翌晚,他亦再次到醫院探晶晶和孫仔。

朱玲玲風騷

嫲嫲朱玲玲周二( 27日)及周三( 28日)都有到養和醫院。被問到孫仔情況,她笑說:「幾好,一路瞓覺, family影咗啲相。」之後她還表示會叫啟剛晶晶追多個。


四代同堂

周二下午五時,霍啟剛細佬啟山拖住嫲嫲呂燕妮離開醫院。霍老太開心地透露有拖過曾孫手仔,仲話 BB似足晶剛兩人。



霍啟剛報喜後,霍家唔少親朋戚友紛紛送禮到醫院。 

晶母陪產

據知郭晶晶的父母日前已從北京來港,等待孫仔出世。郭母更與霍啟剛入產房陪郭晶晶生仔。

避鬼節改順產


郭晶晶懷孕時,曾搬到地利根德閣居住,現時該單位則讓其父母來港時暫住。 

早前盛傳郭晶晶原定在 8月 20日,即農曆七月十四日盂蘭節當日剖腹產子,霍震霆最初亦毫不忌諱默認說:「節日係冇衝突,最緊要 BB健康。」但最終郭晶晶於周一( 26日)中午才作動入院,負責接生的梁淑德醫生亦要匆忙趕到醫院準備。晶晶經過近 10小時陣痛後,至周二( 27日)凌晨約 1時才順產誕下男嬰。知情者說:「其實霍老太聽到個 BB喺盂蘭節出世,曾表示唔係咁好,要求另擇吉日。加上,晶晶一直想自己順產,覺得咁對自己同 BB都好啲,最後就決定順其自然。」難怪近日霍震霆多次向記者表示自己等到頸都長。
郭晶晶在懷孕初期,受到霍家高度重視,以往霍家媳婦都要依慣例住進霍家大宅,但為免大宅人多嘈雜,月前她才獲准入住月租九萬元的地利根德閣養胎。知情人透露:「晶晶有咗冇幾耐,想靜啲養胎,又唔想俾記者影到佢出入,老爺就安排啟剛同晶晶搬去第二度住。」不過郭晶晶入住的地利根德閣近日進行外牆維修,因此郭晶晶臨盆前便與霍啟剛搬回大宅居住。至於地利根德閣的單位,則讓給專誠由內地來港探望愛女的晶晶父母居住。

豪花 30萬順產

養和醫院的產子設備完善,雖然收費昂貴,仍吸引不少名人幫襯。今次郭晶晶為霍家誕「金叵羅」,已慳番一筆麻醉師和手術費用,而霍家一早為她預訂醫院 37樓的「秀群套房」。其實年前李嘉欣及朱麗倩生 B,亦是住在這裏,足證是名人身份象徵。
房租:$21,000× 5日$105,000
陪牀費:$650× 5日$3,250
醫生費:$ 100,000
兒科醫生費:$30,000
伙食及雜費:$80,000
總開支:$318,250

麥玲玲批:起碼生 3個

玄學家麥玲玲亦批郭晶晶的囝囝會有細佬妹。「 8月 27日出世屬木,命格重金,讀書好叻。佢官星重,長大後傾向喺大機構、軍政界、律師或醫生等專業界工作。運動天份亦唔錯,但手腳易受傷。 B仔屬木命格需要水,水生木,五行嚟講,媽咪屬水,所以佢同媽咪緣份多啲,同時會旺爸爸財運同事業。以晶晶命格嚟睇,佢最大機會 15年再懷孕,預計生猴 B。而睇佢囝囝條命,細佬妹都有,晶晶好大機會生多兩個。」麥師傅仲話幫 BB改名,最好有木或者水字部。負責改名嘅霍老爺,收到呵!

媽咪老公陪入產房

郭晶晶分娩前,老公霍啟剛已講明會入產房陪老婆見證愛情結晶出世。據消息指,周二( 27日)凌晨,霍啟剛與郭母一齊入產房陪晶晶生仔。霍啟剛為 B仔剪臍帶後,感動到擁着老婆流淚,要老婆反過來安慰他。之後晶晶被送入 37樓,最豪華的秀群病房休息。為了 BB健康,郭晶晶亦一早決定餵哺母乳。奶奶朱玲玲一早為新抱親自挑選了四名星級陪月,分更制 24小時全天候照顧她和 BB。其中一個陪月更會全力煲谷奶湯水,讓她能有足夠奶水餵哺初生 B仔。


二樓 BB房有指霍家大宅二樓曾進行大裝修。日前,本刊在大宅外圍發現二樓窗門貼有彩色裝修玻璃,疑似是 BB房。 



放催子物在霍家大宅的後園門外還擺放了 4呎高的送子壽星公像。據麥玲玲師傅說:「該像有旺丁及長壽嘅意思,正常放屋內,不過擺喺門口位亦可以。」 

生夠三個男丁


日前,本刊拍得朱玲玲及丈夫羅康瑞到數碼港睇戲。當日她心情唔錯,與羅沿途有講有笑,可見她相當期待抱孫。 

郭晶晶一索得男,但產後未能如其他星級孕婦般即時修身,事關霍家有一條不成文規定,就是媳婦入門後要為霍家開枝散葉,最少生三個男丁。朱玲玲亦是生了啟剛、啟山和啟人才封肚收爐。知情人透露:「始終係大家族,生女固然開心,但老人家思想傳統,生仔先能夠傳宗接代。」郭晶晶不介意做生仔機器,打算生完今胎後,盡早調理身體懷第二胎,希望趕及生馬 B。但一直是運動員的她,因長年比賽的勞累,造成身體有不少傷患,令生育倍添困難。
日前,記者發現霍家大宅花園內,擺放一尊高近 4呎的送子壽星公像。據知郭晶晶去年 11月入門後,壽星公像就一直放在該處。若然晶晶真能遵從家規,做到三年抱兩、四年抱三,抱孫抱到手軟的霍震霆和朱玲玲肯定笑甩牙。
近月霍啟剛亦修心養性,戒絕夜蒲陋習,兼為 BB着想而戒煙。此外,他亦身兼多項公職,除香港菁英會副主席及青年事務委員會委員,今年亦升任「香港青年聯會」主席及天津政協委員,有機染指港區全國人大代表或全國政協委員。霍啟剛明顯積極參與公職,看來他為了晶晶與 BB,真的勞心勞力。

霍家開枝散葉

霍英東原籍番禺南沙。其家族一向旺丁,且仔多過女,大多數更生夠三個仔女或以上才「收爐」,就如霍英東的三房合計就有 9個兒子和 3個女兒,到第二代長子霍震霆,他和朱玲玲亦誕下三個兒子,相信啟剛晶晶亦會盡量秉承傳統,繼續添丁。


撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()