自創業以來,女友嘉儀一直表現支持,去年更辭職與 Patrick齊齊搞生意,令 Patrick十分欣慰。嘉儀笑言:「大家仲後生,咪畀佢試吓,得唔得之後再算。」 

創業通

𡃁仔搞龍仔 tee 憑短期攤檔轉虧為盈

創業失敗是等閒事,哪個成功人士沒經歷失敗,但 80後的 Patrick創業首年不停碰壁,他以自創的龍公仔做 icon,造 tee質料劣得退貨;出書籤沒有店鋪肯入貨;再接再厲造公仔卻連貨辦也造不成。全年沒有收入,又蝕了約 5萬,仍然沒有放棄,去年再憑質素較高的龍仔 tee,放上網兼穿梭港澳擺短期攤檔,終於轉虧為盈,月賺逾 2萬,跟他的龍仔一樣打不死!

 

間有不少公仔品牌、豬羊鴨雞蛙等都有齊,惟獨中國人熱捧的龍卻少見, 10年 Patrick大學畢業,便設計出綠色、露出一排尖牙的可愛龍仔,並以它為 icon推出不同產品,第一批是 tee。「 Tee容易整,只要設計好圖案,攞畀廠印就得,而且成本唔多,每件約$50。」 Patrick找到一間有內地廠房的本港公司製作,誰知質素奇差,印 120件 tee,有 70件要退貨,「唔係件衫有污漬,就係個 print黐埋一嚿。」餘下 50件 tee,試放上網賣,每件售$128,但過了夏天,反應冷淡,一件也賣不出。
還未站在起跑線便狠狠跌一交。 Patrick沒因而退縮,再試製作書籤,「成本夠晒低,印過千張都係幾百蚊。」他親自逐張書籤套膠套、綁上絲帶,製作好萬張書籤後,便聯絡三聯、商務等書店商討寄賣事宜,但又遭拒絕,「原來𠵱家已經冇乜人用書籤,又蝕咗 2、 3千蚊。」


為慳成本, Patrick買入襟章機自製多款襟章,每款$25。 


書籤雖然失敗,但 Patrick仍然推出 postcard,每張$25。「反正成本低,就算客人唔買,我送畀佢都得。」

食一年白果


位於新蒲崗的貨倉逾千呎, Patrick闢了一半做 showroom。 

由夏天做到冬天都食白果, Patrick還沒氣餒,想在情人節賺一筆,第 3擊想到出龍公仔,「諗住個公仔塊面會着燈,好似臉紅咁;又可以畀客人錄低情話畀情人聽。」這次他親自到龍崗尋找廠商,由於量少,只計劃生產 300隻,很多都不肯接單,最終有一間肯起貨辦,卻是另一個惡夢。「公仔完全唔似隻龍,似一個綠色嘅雪人;我話想用紅色燈扮面紅,廠方叫我用現成嘅七彩閃燈;我想要錄音,佢哋又叫我用喜羊羊音樂,我真係呆咗。」這樣又白花了$3,000辦費。
頭 1年蝕了 5萬,家人又狂潑冷水,但 Patrick仍未想放棄, 11年夏天,決定再投入到造 tee上,「當畀多次機會自己,今次再衰,真係要搵工喇。」為了掌握 tee的質素, Patrick索性買來熨印機,自行熨 tee,「另一好處係每款造幾多件都得。」把熨印 tee和之前那 50件 tee齊齊放上 yahoo拍賣網,每件售$148,想不到這次反應不錯,月賣過百件,終於轉虧為盈。

似鴨仔品牌

這次 tee所以成功,還得多謝 sugarman品牌的鴨公仔,老實說,龍仔的 design跟鴨仔很像,但鴨仔 tee每件要$400以上,是龍仔 tee的 3倍, Patrick也不諱言兩者相似,「龍仔好似鴨仔,但又唔係佢嘅翻版,所以客人好受落,其實我都會用一啲受歡迎嘅元素設計 tee,例如鑽石、波點等,唔會因為驚被人話似而棄用,講真大把唔同牌子都係咁設計,只要唔係翻版咪得囉。」
Tee反應好, Patrick對生意充滿信心,為了大量生產及令質素更佳,他經朋友找廠絲印,又不時到廠房監工,確保質素,結果 tee銷量大增,每月賣近 500件,高峰期 1個月約有 6萬營業額。
由於一直只是網上銷售, Patrick在 11年尾參加勞工展在 megaBOX舉辦的創業展銷攤檔, 10日便有 3萬多營業額,盈利有近 2萬。「其他檔大部分賣手作同細件嘅擺設,龍仔 tee相對嚟講就比較突出,埋單比其他人成績好。」


Patrick應客人要求推出童裝,由 6個月至 6歲 size都有齊,$148。 



龍仔 tee構圖 colorful,又有多個造型,十分搶眼,$148。 

客人珀寧

我喺 megaBOX展銷見到啲 tee,覺得好得意,咪叫媽咪買畀我着。

過澳門擺檔

其後再獲商場邀請擺攤檔,生意依然理想,其間更被澳門購物展的主辦商垂青,獲邀到澳門擺檔, 4日營業額高達 6萬,更促使 Patrick積極參加港澳的展銷,平均每 2個月便參加 1次,「擺檔除咗可以即刻收到筆現金外,仲有唔少曝光機會,好似 e-print贊助我印咗幾百個紙袋做宣傳;有幾間專門賣 tee嘅店鋪,主動搵我入貨,𠵱家我一共有 4間分銷點,分別喺銅鑼灣、尖沙咀等。」
雖然展銷大多賺錢,但 Patrick也有 2次撞板經驗,合共蝕了 7萬,「試過 2次去澳門擺檔,因為展銷宣傳不足,根本冇人嚟,成個展銷都賣唔到 100件 tee,真係元氣大傷。」自此, Patrick再參加任何展覽都做足工夫,事前搜集資料,看展覽是什麼主辦單位、是否有舉辦經驗、之前反應如何等,經篩選後才參加。


Patrick每 1至 2個月便參加港澳區的展銷,圖為澳門的展銷。 

e-print去年主動贊助超過 500個紙袋,上面印有 e-print logo和公仔合作宣傳。 

貨倉作門市


Patrick凡事一腳踢,如自己揸機影產品相放上網及 facebook。 

在沒有展覽的日子, Patrick把位於新蒲崗的貨倉開放作門市,「原本係貨倉,但地方大,就闢咗個位做 showroom,平時冇人上嚟㗎,但我到樓下派完傳單後,嗰日就會有人上嚟,試過派足 10日,都有 2萬幾蚊生意。」 Patrick表示派傳單很辛苦,一定要在早上約 8時至 10時返工時間,及 12時至 2時午飯時間派發,由於人手不足,每月只派幾天。
現時龍仔 tee主要透過網上及擺擋來銷售,每月賣出逾 400件,盈利約$20,000,未來他嘗試推出新產品,如襟章、 postcard等,繼續以低成本為主。「襟章用襟章機自製,每個成本幾蚊,造法又簡單,至於 postcard成本亦低,又比書籤用途廣泛,應該會比較受落。」 Patrick的成功,相信在於他打不死的毅力。

開業成本(首年製作 tee)

租金:$3,000(貨倉)
入貨:$6,000( 120件 tee)
雜項:$8,000
總投資:$17,000

每月收支

租金:$8,500( showroom+貨倉)
人工:$16,000( 2人)
入貨:$23,000(約 450件 tee)
營業額:$67,500
盈利:$20,000

SPLENDID PARTY

網址: http://www.splendid-party.com 

政府資助參展

為協助中小企營商,政府有多個不同基金,其中包括中小企業市場推廣基金,基金可用於海外參察或參展,只要公司符合中小企定義,即任何從事製造業而本港僱用少於 100人的企業,或任何從事非製造業而在本港僱用少於 50人的企業,均合資格申請。
每次成功申請,最高的資助額為申請企業就有關活動繳付的核准開支總費用的 50%或 5萬元,以較低者為準,每家中小企的累計資助上限為 20萬元。像 Patrick參加澳門的展覽,便有申請這個資助,「參加展覽除咗租金,仲有住宿、交通等支出,淨係物流都要$2,000,好似第一次參加澳門購物展, 4日展覽估計花約 2萬,但得到中小企業市場推廣基金嘅資助,最後我只係用咗$8,000。」

參考網站: http://www.smefund.tid.gov.hk 

澳門參展

想參加澳門展覽,可以瀏覽澳門會展網,便有齊澳門各個展覽,如美食展、購物展等詳情。
參考網站: http://www.mice.gov.mo 


撰文:洪芳俠
攝影: Emmy
部分圖片由被訪者提供 

    tvb4life 發表在 痞客邦 留言(0) 人氣()