Sammi 安仔分開吹水

鄭秀文(Sammi)同許志安(安仔)復合咗成兩年,被人影過出街拍拖N次,但係仍然誓要保持偶像派嘅原則,寧畀人知莫畀人見,亦冇話情侶檔出嚟公開場合搵食。日前,劉培基搞作品展覽,佢兩個都同劉培基份屬老友,竟然夾埋前後腳到場,都幾老土。

就算之後影嘉賓大合照,亦堅持分開一頭一尾不特止,傾偈都分開朋友堆。雖然Sammi貴為超級巨星,但係若論口才始終係安仔得啲,佢同一批中女喺門口傾偈,班女士好鬼冧佢,傾傾吓仲笑到見牙唔見眼,high爆!反而Sammi就一直同啲男士保持一定嘅距離,睇嚟Sammi都係小心啲好。

至於,安仔就走咗出去門外,同一班中女吹水,而啲中女更加畀佢o氹到好開心。

喺劉培基嘅作品展覽會上,嘉賓大合照時,Sammi同安仔分開一頭一尾;之後,Sammi仲刻意走開一邊,同另一堆人傾偈。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()