搜機控

吳若希嚮往外遊

被星煥力谷的歌手吳若希( Jinny),新歌〈我懂了〉成為勁歌金曲優秀選第一回得獎歌曲。她的電話理所當然有不少聽歌的 app,不過吳若希就最鍾意 KK Box:「 KK Box係我最常聽音樂嘅軟件,因為佢啲歌好新好齊全,而且 update得好快。除咗有歌聽,當中部分歌曲仲被改為拍子 game,對我練拍子好有用!」此外, Jinny仲好注意路面資訊同旅遊資料,不過睇見佢 App Store有 11個更新都未下載,忙成咁都唔得閒去旅行啦!

 

 

 

KK Box仲有個叫「一起聽」嘅功能,可以俾 Jinny同 fans一齊 share自己聽歌嘅 playlist。原來佢都好鍾意聽合唱歌,難得,後生女連〈相愛很難〉都識欣賞。


 

Jinny有兩年駕駛經驗,她推介「交通天氣實況」 app。「呢個 app有香港主要道路嘅交通情況同特別交通消息、行車速度圖、過海行車時間等,由於資料係香港政府提供,所以非常 update。」


 

Jinny對韓文非常有興趣,所以她經常都會用「 Korean Ltrs」呢個 app來學韓文。

 

忙到冇時間去旅行,所以 Jinny用「 Go Travel」望梅止渴:「 App入面嘅資料好似旅遊書,但呢個流動版本就方便好多,有唔同國家、地區嘅美食同景點任揀。」


 

21歲嘅吳若希已經好着重理財,手機內有兩個理財 app, Jinny話:「平時都習慣用滙豐理財 app做轉賬、交租。人愈大愈需要去管理自己嘅財產,而呢個 app可以睇到股市同精確嘅投資服務內容。」

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()