金泰希點講都做咗「 ISABEY」兩年代言人,誰不知今年來竟被廠商嫌棄,話佢唔夠「時尚」而換上蘇怡賢。「反轉豬肚就係屎」,金泰希唔 hurt就假咯! 

出外埠

金泰希行霉運

Rain退伍,正常嚟講,女朋友金泰希應該開心先係,起碼以後拍拖唔使鬼鬼祟祟嘛!可惜世事啱啱相反,近排嘅金泰希絕對開心唔嚟。因乜解究?

 

話說金泰希主演嘅電視劇《張玉貞》,剛啱上星期大結局,而劇集自喺韓國開播以嚟,收視一直係包尾大幡,金泰希更慘成箭靶,俾觀眾話佢得個樣,演技「爛到不堪」!令金泰希好傷。誰不知黑事接二連三,佢代言咗兩年嘅服飾品牌「 ISABEY」,今年飛起 33歲嘅佢,換上細 5年嘅蘇怡賢!令金小姐痛失港幣約 700萬嘅收入。
唏,算啦,錢搵少咗,但仲有件天王男友,乜都抵番晒啦!


金泰希喺《張玉貞》入面,連出浴戲都拍埋,可惜收視一直墊底,更俾觀眾同網友狂插,話佢淨係睩大對眼,完全唔識做戲喎。真係慘情。 

28歲嘅蘇怡賢,樣唔算靚,勝在身材標青,因為《清潭洞愛麗絲》令佢人氣大旺,難怪會俾廠商𥄫中。 

tvb4life 發表在 痞客邦 留言(0) 人氣()