依家唔係拍緊《倩女幽魂》,只係披頭散髮嘅蔡一智漫步中環咋! 

媽咪姐

蔡一智金 Look無人 So

媽咪姐自認浮誇,勁 like金色,不過都只係做吓配襯啫,絕對唔會成個金人咁走出街。之但係早幾日,媽咪姐喺中環就撞見草蜢嘅蔡一智,雖則都知道佢衣着好前衞,今次親眼睇到,簡直嘆為觀止囉!

 

當日嘅蔡一智,成身金燦燦,金色短袖 T、粗金鏈腰帶再加對金色紳士鞋,呢個 look,睇怕除咗佢……或者加埋叻哥啦!真係冇乜邊個敢着出街。不過可惜吖,佢呢身黃金戰士造型竟然無人識得欣賞,就算喺人多到爆嘅中環行嚟行去,都無人回頭望過佢一眼。真係有啲嘥料。


唔好睇小蔡一智呢身金 look呀,單係對金鞋都成萬幾蚊㗎! 

蔡一智着到成個金人咁款,奇怪在旁邊啲人連眼尾都無望過佢一眼,真係咁唔吸睛咩?

tvb4life 發表在 痞客邦 留言(0) 人氣()