書中嘅相由黃貫中操刀,朱茵兩母女影得好靚。 

媽咪姐

書展四美圖

睇完核突嘢,係時候轉轉 channel。
今屆書展,有朱茵同囡囡黃鶯嘅甜蜜時光、嘉欣 BB靚人生活點滴、鄺美雲素菜食譜,仲有 Regen遊學經歷,幫你洗眼兼洗滌心靈。

朱茵《 6磅 10安士》

朱茵自言書集係「寫給女兒的情書」,記錄初為人母嘅喜悅。原來女神早年身體欠佳,令受孕機率跌至 1成。今時今日能夠有寶貝女黃鶯,真係上天恩賜。書中更有好多由黃貫中操刀嘅母女寫真,笑中有淚又溫馨。
推介指數:★★★★ 1/2


鍾嘉欣《幸福》

首次出寫真嘅嘉欣 BB,以 pure爆造型秒殺宅男粉絲,仲配埋真摯散文。整體而言,靚人靚景賞心悅目,只嫌着住低胸衫𠌥身都冇事業線。正常女仔都有啦,點解嘉欣 BB冇嘅?
推介指數:★★★★


鍾嘉欣着住少少低胸嘅一件頭泳衣,輕微𠌥低都唧唔到事業線,「好嘢」! 

Regen《 Regen大步走》

HotCha成員 Regen(張惠雅)早前被指介入 Neway老闆薛世恆同陳法拉嘅戀情,遭放逐到澳洲進修。去咗咁耐,梗係有嘢落袋。 Regen就分享當地 working holiday嘅經歷。冇靚人靚景,但勝在夠真,當中亦講到佢「小三」嘅八卦新聞,算係有交代。
推介指數:★★★ 1/2


書中輯錄咗唔少 Regen澳洲遊學時嘅相,有大啖食又有素顏,都幾寫實。 


自序中, Regen提到被嗌「小三」一事,明顯係講緊佢介入薛世恆同陳法拉戀情嘅新聞。

鄺美雲《如悅素食》

信佛多年嘅鄺美雲原來係煮素菜高手。佢用咗 4日時間煮共 60道素菜,中英對照,連外傭「姐姐」都兼顧埋,相當貼心。書展當日仲請嚟陳志雲、何國鉦、梁泰來三大猛男為新書造勢。可惜男友林達民工作纏身嚟唔到,如果唔係一定更 sweet。
推介指數:★★★★ 1/2



鄺美雲男友因公事未能到書展,好在仲有 3大猛男撐場。 

焦糖香栗子賣相精美,正!

tvb4life 發表在 痞客邦 留言(0) 人氣()