香醋話梅骨刀削麵$30豬軟骨以紅麴、話梅及浙醋煮得入味,酸甜開胃兼膠質豐富,女士至愛。 

庶民飯堂

煲仔刀削麵 鶯記砂鍋麵 大角咀

刀削麵並非新發明,但「鶯記砂鍋麵」的老闆 Jet將麵連砂煲上枱,感覺新穎。原來這道砂煲刀削麵是 Jet的獨家創作,他曾在內地工作七年,最愛雲南、四川菜,但覺得刀削麵太快變硬,於是改用廣東傳統砂鍋盛載,既保溫又 keep到麵條彈性。

 

咁有諗頭,以為 Jet是廚師出身,他卻說自己做了十幾年紅酒代理,煮食本來純屬興趣。「刀削麵湯底,我試咗好多配搭,最後決定用豬骨加雞殼、白胡椒、洋葱、京葱、忌廉、印尼南薑等等做湯膽,煲足廿四小時,飲落鮮甜,帶 creamy口感。」一鍋老火豬骨湯砂鍋刀削麵配搭一款小食上枱,共有六款選擇,包括炸豬扒、餃子、雞翼、肥牛、切雞及話梅骨。配菜用心製作,如川味辣雞、土匪雞翼、魷魚鬚等等所用的辣椒,混合了指天椒粉、四川麻辣油、孜然粉等多種調味料炒香製成。話梅骨、菜肉雲吞等都是自家醃煮,價錢不過三十多元,如此經濟實惠,難怪 Jet笑言後悔沒跟朋友合作開酒吧,反而選了賺錢少、過程辛苦的廚房工作。


避風塘魷魚鬚$22魷魚鬚用了自家製辣椒醃足廿四小時,相當惹味,食落唔韌無渣。 

吉列龍蝦球$20外層炸得香脆,內層肉味鮮甜彈牙,是店內最受歡迎的小食之一。 

川味辣雞菜飯$35店家自製辣汁,香而不膩,雞肉處理嫩滑,菜飯新鮮健康。

鶯記砂鍋麵

地址:大角咀鐵樹街 16號富多來商場 1期地下 10號鋪
電話: 6570 7815
營業時間: 12nn-11:30pm
交通:於旺角東站乘專線小巴 21K線
泊車:新九龍中心$20/hr




撰文:鄭鳳
攝影:譚俊軒

tvb4life 發表在 痞客邦 留言(0) 人氣()