他說拍攝時早料到「摸女仔」會有迴響。怕不怕被罵是愛情神棍?「一直都有人咁講我哋呢行啦!」 

People

難得上頭條 陳定邦

繼陳振聰後,陳定邦是另一位玄學家登上報章 A1頭條。
他在《求愛大作戰》中,教人觸碰女仔,破除隔膜。節目播出後,即有 35歲男文員,半夜拍 19歲少女膊頭搭訕,而以涉嫌非禮罪被捕。陳被婦女團體罵意識不良,立法會議員劉慧卿鬧他侮辱觀眾智慧。
「我無諗過香港人對 touch咁敏感。」陳定邦說。
祖父是抗日名將陳任之,父親是堪輿學家陳果齊,上過《 The American’ s Next Top Model》算命的陳定邦,由愛情玄學家,瞬間變了愛情神棍。

 

去年有 Santino 45度角全城笑爆,今年有陳定邦三秒 touch出禍,仲上埋 A1。
「個男人半夜三更跟住人,我都叫非禮啦,根本同我教的無關。
「成件事被人放大咗幾倍。其實『接觸』經常發生,在外國握手是破冰咁解,在地鐵都成日見男男女女掂來掂去。你去蘭桂坊,法國佬 say hi後第一嘢就擁抱,又無人怪佢?
「嗱,我頭先都掂咗你(記者)幾下,你都唔為意,唔通又係非禮?」
陳定邦今年 31歲, 07年在澳洲悉尼大學電腦系畢業後,分別在 PCCW及國際機構 SWIFT工作過, 2010年當玄學家,但節目中卻以愛情玄學家身份教人求偶。個人履歷跟愛情導師身份大纜扯唔埋,何德何能教人追女仔?「我九成客戶是女性,算命時 8成時間是做心理輔導,所以清楚女性心理。」
他樣子標青,採訪當日,穿孖襟西裝加碎花領呔,領口還掛了個鑽石結他心口針,令記者想起 90年代的黎明。何解你留鬚?「留鬚好似靚仔啲同專業啲。」
但兩小時訪問,他卻像喃嘸,一個音調直落,教人悶出個鳥來。「女朋友都話我悶。」未做《求愛》前,他最為人認識的身份是戴夢夢的未婚夫,後來有傳媒踢爆阿夢背夫偷食,才弄得分手收場。


Cyrus(右)很像以前的他,無自信,宅得很,所以他任 Cyrus導師,叫他多跟女性朋友身體接觸不超過三秒,以拉近關係。「當日教他三個鐘,出街剪得幾分鐘。」 

6月 19日《蘋果日報》頭條鬧 TVB教壞人。 

跟戴夢夢拍了 3年拖,最終真是個夢而已。「呢次我都好傷。」

宅男玄學家

他教宅男追女仔,事實上他本來都很「宅」。「我小時咩都唔掂,讀書又唔得,補住習都拿零分,最叻是打機和睇漫畫。」
因為無自信,他拍拖好黐身,「一日打廿個電話,俾女飛過 7、 8次。」
父親陳果齊唔想他太宅,對他很嚴厲, 4、 5歲已不准他哭,又要他參加黃埔軍校軍訓, 13歲便把他送去美國留學。
連大學揀邊科都是父母主意。他一直未開竅,直至讀大學時迷上《三國》電視劇,來回煲了 5次。「以前阿爸教我做人要有目標,我聽極唔明。睇咗《三國》後,見劉備曹操可以做到英雄,是因為他們有目標。男人要有目標才有魅力。」
他決心「脫宅」。「我要搵樣嘢做目標。我無嘢叻,最叻是自細跟阿爸學術數。」於是以當玄學家為目標,除跟父親學習外,又另找其他師傅鑽研玄學,連西方塔羅和占星術都走去學。
大學畢業後他只打了三年工便自立門戶,幫人算命看風水。父親介紹不少客人給他,但他還是想靠自己,明知求愛節目冒險,還是搏命要上鏡。
今次三秒 body touch,跟去年 Santino比較,已不算太負面,「叫執番身彩。」


他跟爸爸同住何文田半山壹號,家中還有大量電玩。 

悉尼大學畢業時跟媽媽合照,那時還未留鬚。 

爸爸陳果齊是嚴父,中間是他媽媽。

撰文:阮淑賢
攝影:周義安,部分相片由被訪者及《蘋果日報》提供

    tvb4life 發表在 痞客邦 留言(0) 人氣()