上流滙

鄺美雲 閃爍人生

珠寶令一眾女士為之心動,小如芝麻至巨如蠶豆的鑽石,無不喜歡。
向來珠光寶氣的鄺美雲( Cally),當年因愛珠寶,便走去讀鑑證,考得資格後,索性從事珠寶生意,展開她的鑽石人生。近年她更踏足鐘錶界,親自為靚太們設計鑽石名錶。
出自她手筆的鑽錶,隻隻金光閃閃,錶上配以分量十足的寶石,而錶肉上的時針則淪為配角。
「其實要知時間,睇手提電話都得。依家戴錶心態變咗,寶石錶就好似件首飾一樣,用嚟襯衫同襯首飾。對於女士嚟講係個幾好嘅投資,有得靚仲可以升值。」

 

人稱「富婆」的鄺美雲,每次出動都貴氣逼人,一身珠光寶氣做人肉生招牌。「女士梗要有啲珠寶看門口,去飲宴都要有隻戒指襯吓,有時又要轉吓款,自然會愈儲愈多。」鄺美雲邊說邊笑瞇瞇。

買石當投資

女人天生愛購物,而珠寶當然是恩物之一,鄺美雲就對鑽石、寶石特別有研究。 99年考獲珠寶鑑證資格的她,便於翌年展開珠寶事業。「 Artist轉型比其他人辛苦,好似有客人入舖頭見到唔識嘅 sales,可能覺得對方好專業。但換轉見到係個歌手,就會質疑得唔得㗎!所以我必須要考個牌,學好先開舖。做珠寶生意搵錢之餘,遇到都係開心事,可能係結婚、紀念日咁,至少客人係心情好先會買。依家有客人信我眼光,讚我設計,已經係強心針。」
珠寶價格高漲,大如波子的鑽石,更是價值不菲,鄺美雲將鑽石當作投資用。「衫褲袋用耐會褪色,依家女士鍾意買 birkin手袋,都係貪佢夠 classic夠襟興,買珠寶就更 evergreen。當然要揀啲淨度夠高、上佳嘅寶石,就算過幾多年都唔會變,一樣夠白夠閃,可以一代傳一代。投資股票,只係拎住張紙,又驚佢蝕錢,而珠寶可以戴,至少靚咗先,又睇住佢漂亮地上升,好值得投資。試過有客人買完嘢之後,反而多謝我,因為件珠寶由 3百幾萬升到成千萬。」

巨石手鐲


Rubellite 28卡鑽石 16.83卡280萬 

鄺美雲對手上最新設計的 28卡梨形 Rubellite鑽錶愛不釋手,皆因極為罕有。「呢個款戴喺前臂,好似隻手鈪咁,襯晚裝最啱。」

翡翠錶鏈


翡翠 145粒鑽石 7.5卡紅寶石 0.02卡58萬 

鑽石錶除了加入色彩鮮艷的寶石,更有復古設計。這款由 145粒翡翠鑲嵌而成的錶鏈,甚有古典味道。

藍寶鑽錶


藍寶石 59卡鑽石 3.47卡360萬 

以 40多粒 1卡多的藍寶石及鑽石鑲嵌而成的藍寶石錶,分量十足,屬高價款式。

閃鑽熊貓


鑽石 4.09卡粉紅寶 3.56卡綠寶石 0.02卡26萬 8千 

手錶除了加入圖形元素,亦有動物款式,「男士會買俾女友、太太外,見到呢啲得意款都會買俾囡囡。」

巨星錶面


鑽石 22.22卡彩色寶石 0.70卡48萬 

星形錶面設計是鄺美雲經常戴的款式。「星形感覺 fashion啲,容易襯衫,普通場合都襯到。」

鑽錶當鐲戴

鄺美雲從事珠寶生意多年,親自為 VIP客戶設計首飾,近年她更踏足鐘錶界,從瑞士訂購的錶肉再加入不同寶石,推出獨一無二的鑽石錶。「起初我設計純鑽石錶為主,但近年市場上嘅需求多咗,就設計多咗唔同款式嘅錶。外面嘅鑽石錶款多數係圓形、橢圓形拼白金錶帶居多。我想做得 fashion少少,錶面着重線條感,以唔同形狀配唔同色嘅寶石,好似藍、紅、綠寶咁。而皮錶帶就用嚟襯晚裝,去 ball特別靚。其實鑽石錶可以當首飾咁戴,好似隻手鐲咁與眾不同。」

愛的設計


鄺美雲與樓神林達民拍拖大半年,不時孖住出席活動,甜到不得了,講明講心唔講金。 

現今女士善於投資,不過講到長線,另一半才是最佳藍籌。鄺美雲與樓神林達民拍拖大半年,出名恩愛,提到親自設計鑽錶冧男友,她笑說︰「佢又冇話鍾意鑽石錶喎,佢都唔係呢個 style。其實有啲男士都好貪靚,鍾意戴閃嘢咁去隆重場合,都有客人叫我做男裝款,我設計過隻大方形鑽石錶。」雖然未有為男友設計靚錶,但看她的一系列心形設計,可知她拍拖生活甜到漏。「心形款比較多,由好多唔同色嘅寶石配合,感覺 sweet啲,因為心代表 love,情人節、周年紀念、生日都啱,好受歡迎。」

心形鑽錶

心形系列款式多多,這兩款鑲有欖尖形(右圖)、梨形寶石款是鄺美雲近期最愛。「除咗錶款可襯珠寶,連皮錶帶都可隨晚裝而轉顏色。」


綠寶石 5.21卡鑽石 7.66卡55萬 

黃、橙寶石 7.73卡鑽石 4.19卡43萬 8千 

粉寶鸚鵡


鑽石 3.1卡綠寶石 0.04卡粉紅寶 1卡43萬 8千 

鄺美雲將粉紅寶石,以心形元素配上鸚鵡,散發少女感覺。

最細白鑽


鑽石 4卡39萬 8千 

鄺美雲的鑽錶隻隻大件,這款全鑽心形錶屬最細一款。「我本身鍾意大件嘅錶,我覺得咁先睇到個比例。」


撰文:蔡靜雯
攝影:潘啟德
錄像:湯文峯
協力:盧芷斌

tvb4life 發表在 痞客邦 留言(0) 人氣()