插圖: Wendy 

揞名爆

「眼細細」斷阿哥財路

大家睇到呢條題,係咪覺得唱得又演得嘅「眼細細」好衰呢?唉,查實佢有苦衷㗎!
話說「眼細細」嘅阿哥都入過行,但當然係無紅過啦。大家最記得嘅,應該都係佢賭錢欠債,要「眼細細」代還嘅事蹟。咁其實一世人兩兄弟,做細佬嘅,當然唔會想大佬死嘅,幫到就梗係幫啦。

 

不過呢幾年,事情就起咗變化。事緣沉寂咗一輪嘅「眼細細」阿哥,又再去澳門啲賭廳賭錢,又想問以前借開錢俾佢嘅「疊碼仔」借番幾十萬嚟賭!但問勻咁多間賭廳咁多個相熟嘅「疊碼仔」,都無人騷佢,叫佢要賭就賭自己錢,借錢 no way!
原來「眼細細」近年搵有勢力人士同黑白兩道單咗聲,叫所有人唔好再借錢俾佢阿哥,講到明自己唔會再代兄還債。所以大家都唔敢再借錢俾「眼細細」阿哥,以前坐 VIP房賭錢嘅佢,下下幾十萬幾百萬上落,但依家只可以喺大廳同其他賭仔切磋,過下手癮囉。
嗱,媽咪姐撐「眼細細」㗎!正所謂長貧難顧,何況係拎啲錢去賭?無底深潭嚟㗎噃!雖然「眼細細」係咁意唱下都搵大把錢啫,但女細老婆嫩,邊個唔想安安樂樂過日子呢?

 

邊個係「眼細細」?
1.瘦身形,未肥過
2.拍正經戲得,搞笑都得喎!

tvb4life 發表在 痞客邦 留言(0) 人氣()