插圖: Wendy 

揞名爆

「長腿姐姐」俾「至勁先生」激死

最近媽咪姐聽到單 N年前發生嘅八卦料,絕對係滄海遺珠,事關人物夠級數呀!講緊嘅係多年前公仔箱花旦「長腿姐姐」同文武雙全嘅「至勁先生」拍拖,齊齊行百貨公司,仲要行絲襪部,真係好鬼 sweet。

 

俾一對情侶粉絲認出,好興奮咁嗌咗聲:「嘩!『長腿姐姐』呀!」跟手梗係開步走,諗住埋去影番張合照啦。點知……佢哋只係行咗一步,真係一步咋!一直好 cool咁傍住「長腿姐姐」揀絲襪嘅「至勁先生」已經一個箭步,封咗個位,再怒啤呢對不明來歷、膽大包天嘅入侵者(佢自己以為啦!)。
你知啦!「至勁先生」喎。雖然嗰時佢無依家咁有人氣,但大家都知佢身手幾咁不凡,嗰對情侶梗係嚇窒啦。「長腿姐姐」見到男友忽然嚟料!呆咗一呆。見粉絲嚇到後退,惟有向佢哋送出「女神的微笑」,非常無奈!之後「長腿姐姐」忍唔住斜視咗「至勁先生」一眼,嬲嬲哋自己向前行。咁呢,「至勁先生」又確係過分緊張兼霸道嘅!好明顯,佢同 nice爆嘅「長腿姐姐」係兩種人。所以後尾佢哋分開,依家各自有個幸福家庭,絕對合情合理。

 

邊個係「長腿姐姐」?
1.面圓圓
2.講嘢嬌嗲,但唔覺姣喎!

邊個係「至勁先生」?
1.外國讀書
2.扮名人出位

tvb4life 發表在 痞客邦 留言(0) 人氣()