博出位

群星怒吼 不要吃我們的好友

廣西玉林一年一度的「荔枝狗肉節」於上周五( 21日)舉行,呢個所謂嘅節日竟屠殺逾 10萬隻狗,愛狗人士齊聲討伐,藝人亦紛紛在微博上發表不滿。傅明憲、舒淇及江美儀等人都感到痛心疾首,而雙琳(江若琳與楊丞琳)亦發起抵制,一起高呼:「狗狗是我們的好友,不要吃牠們好嗎?」

 

 

江若琳 鬧神經病

近年經常返內地工作嘅江若琳,每次返港都攬實家中的松鼠狗。這次廣西狗肉節令她嬲到震,仲大鬧黐線同抵制。

楊丞琳 和應抵制

楊丞琳是愛狗之人,視家中史納莎狗狗是女兒,所以在微博上和應好姊妹江若琳,齊齊強烈抵制吃狗肉。幸好台灣沒有狗肉節,如果唔係佢一定移民。

江美儀 憤怒了

去到邊都帶住愛犬 Teddy嘅江美儀,對於有人要食佢嘅朋友同親人(即狗狗),感到傷心又憤怒。

舒淇 理智分析

舒淇比較理智,憤怒的同時,亦分析為何會有狗肉節出現。得出結果係「沒有買賣就沒有殺戮」,希望中國政府可以立例禁止售賣狗肉啦!

林一峰 義唱救狗

與狗有緣嘅林一峰,身體力行去救狗,表示若當地取消狗肉節,願意去義唱一場。唔文明嘅人先會食狗肉,你想用文明方法去解決,睇怕唔會 work囉!

黃貫中 勿忘摯友

性格火爆黃貫中今次表現得好溫和,認為狗是人類摯友,可以安撫心靈,仲叫人唔好忘記。生咗個女嘅阿 Paul,其實亦有柔情一面,早前仲帶狗狗一齊去做義工。

傅明憲 斥有報應

養狗多年嘅傅明憲對於這場狗狗大屠殺感到非常心痛,仲大鬧食狗肉的人會有報應。鬧得狠!轉頭就 post兩隻愛犬出水照,但願人人都學佢好好對待狗狗。

tvb4life 發表在 痞客邦 留言(0) 人氣()