海旁拉筋 

媽咪姐

「栢芝奶媽」 爆咪喪跑爭入港姐

媽咪姐成日同班想入行嘅世姪女講,乜都假,最緊要夠大方!好似喺兩輪港姐面試都出盡風頭嘅「栢芝奶媽」林芷嘉咁,次次出嚟都谷咪上頸搏到盡,仲講到明唔會剷走 fb嗰啲攬仔攬女性感相,歡迎傳閱。

 

嗱嗱嗱,呢啲咪夠 guts囉!做得出,唔怕認。況且依家係乜嘢世代,後生女熱情啲,正常吖!早兩日,媽咪姐就見「栢芝奶媽」去咗海旁跑步 keep fit。嘩!真係性感益街坊,睇見都熱辣辣。咁大方,有前途呀,後生女!媽咪姐撐你。


據知「栢芝奶媽」係做網上時裝同古董手袋買賣,難怪可以晏晝去黃埔海旁拉筋跑步! 

好嘢真係人人知,拉咗一陣筋,已經吸引到街坊伯伯𥄫實。 

素顏嘅「栢芝奶媽」同複選化行妝時相比,都無乜走樣。但亮點梗係胸前……好震撼吓囉!

林芷嘉於英國樸次茅斯大學國際貿易及英文系畢業,父母親到英國出席女兒畢業典禮,但最 sharp嘅係林母手上價值幾十萬嘅鱷魚皮 Hermès。 

外國讀書嘅林芷嘉,喺 fb有大量 sexy相,同靚女咀嘴,小事啫。 

「大眼超蓮」衰平胸?

22歲「大眼超蓮」徐艷薇首日面試大熱,但第二輪面試無晒影。據知佢做開 model,仲影落唔少私影相,不過見佢 fb晒嘅三點式相,似乎平平無奇咗啲囉!


同場加映

青春美少女呢啲,睇極都未夠嘅!睇吓女子組合「 Super Gear」同「助助身茶」拍最新一輯廣告,十幾個背心熱褲妹妹仔一字排開,選港姐一樣,啲青春直情湧埋嚟呀!

tvb4life 發表在 痞客邦 留言(0) 人氣()