素顏買啡早前,李詩韻喺電視城做完嘢,換番便服,揸車返屋企,中途喺長沙灣買咖啡。無化妝嘅佢,面色有啲黃,黑眼圈出晒,要敷番個 mask喎! 

媽咪姐

李詩韻公主剩女

李詩韻早前喺《情越海岸線》飾演拜金又現實嘅 Heidi,網民大讚。嗱,李詩韻拜唔拜金媽咪姐唔敢講,不過肯定佢有「公主」情意結。

 

早前,佢兩次「出巡」,其實都係出吓宣傳活動,或者買吓咖啡咁啫!但就次次都 call定工人姐姐幫手拎嘢。媽咪姐以為佢買好多啦! Well,望清楚啲,查實連埋佢自己個手袋,都係得兩袋咁大把啫。而由屋苑停車場去佢住嗰座大廈,亦只係五分鐘路程!咁睇啦,李詩韻雖然自稱唔愛富二代,但身為 TVB姐仔嘅佢,都身嬌肉貴㗎嘛。行幾步路搵工人姐姐傍住,應該㗎。媽咪姐覺得佢喺《熟男有惑》演有公主病嘅阿太,真係入型入格呀!


踢拖公主返到美孚屋企樓下,工人姐姐幫李詩韻孭住兩個袋,阿公主呢,梗係兩手 fing fing啦。 

半山攞車 

另一日,李詩韻做完中環一個品牌活動,搭的士去半山羅便臣道一豪宅,唔通人紅又搬屋?原來,係揸走放喺停車場嘅紅色座駕。

驚青落車返到屋企樓下,李詩韻發現有記者,個樣離奇驚青。但驚得嚟,都識拎袋雜物俾早早喺停車場守候嘅工人姐姐拎住㗎! 

喺《熟男有惑》入面,李詩韻係李思捷老婆,因為係千億富豪個女,又係大律師,公主病重到呢!

 

tvb4life 發表在 痞客邦 留言(0) 人氣()