媽咪姐

楊千嬅鬥搶

女星出活動要夠搶鏡,露肉係最吸收視嘅招數。不過露得高招定低手,就見仁見智嘞。周日( 23日),沙田馬場有太子珠寶鐘錶精英盃,除咗大堆名人撐場,仲有一眾女星出動,有咁多焦點,女士們齊齊出招搶呀!

楊千嬅腰圓腩凸

甚少喺馬場現身嘅千嬅,當日獲頒精英獎,一身透視超低胸見人,鬼咁 sharp。訪問嗰陣,提到老公疑似去眼袋、變膠面。佢好大反應,激動到連肚都唔縮,成條粗腰出咗嚟!


側脹千嬅一企定,已經自嘲話:「都冇嘢睇,志偉見到話前後掉轉着冇分別。」掛住讚老公靚仔嘅佢,連肚都唔縮,側面睇脹卜卜咁。 

後漏當日超性感嘅千嬅,後面露出白滑靚背,不過一個轉身,腰後肥肉,遮都遮唔切。 

開 instagram千嬅應老公要求,終於開 instagram擺相,仲一口氣放成廿張相,罕有晒埋細個叉腰擺甫士相,好 cute喎!

吳千語阿姐風範

千語 BB當日做 model行騷,同場仲有身材火辣嘅 Jessica C.一齊行, BB身材即時比下去。佢兩個合照嗰陣,吳千語收起笑容,好似唔多開心,影影吓仲自己彈開,搞到對方鬼咁無奈。之後問番鬼妹 Jessica C.,就話第一次見 BB,覺得佢好 cute好靚。至於問 BB係咪怕被 Jessica C.搶鏡,佢木無表情咁話︰「大家條 dress都唔同!我哋見過好多次,本身識嘅!」就轉身走。究竟邊個講大話呢!


專識富二代嘅千語 BB,一見太子鐘錶老闆娘鄧宣宏雁,即刻側頭笑晒, cute到呢。 Jessica C.要學嘢嘞! 

與闊太握完手,千語 BB同 Jessica C.合照嗰陣,就明顯唔多交到戲,仲突然收起笑容,場面尷尬。 

今期最勇

薛芷倫竟然夠膽去近期空氣污染指數高到唔適合人類生活嘅新加坡旅行?唔通佢諗住自己個鼻樑同額頭差唔多連成一線,就有阿凡達咁嘅外星人體質,無懼毒霧?



tvb4life 發表在 痞客邦 留言(0) 人氣()