同女友買化妝品,精靈四哥即時𥄫到記者,仲擰轉頭同記者打招呼。 

媽咪姐

四哥拍拖享仔福

早排孝順仔霆鋒豪擲 500萬,買咗架勞斯萊斯送俾老竇謝賢,仲用廿幾萬投咗個「 RR 4」兼請埋司機服侍老竇。

 

享仔福嘅四哥,生活無憂,閒時就盡情同女友 CoCo拍拖。雖然已經 70有 7,但有心有力嘅四哥,前兩日又出動陪 CoCo去中環 IFC shopping買化妝品。問佢阿仔送咗架車俾佢,開唔開心,鬼馬四哥竟然話:「我覺得仲爭咁啲嘢,如果有埋筆退休金仲好!」其實霆鋒身家咁疊水,阿仔條水喉長開長有啦,四哥又使乜擔心喎!



就快 80嘅四哥,魅力依然沒法擋,連 sales姐姐都爭住同佢影合照。 

陪完女友 shopping,四哥仲好 gentleman咁幫女友攞袋化妝品,勝過唔少後生仔。 

tvb4life 發表在 痞客邦 留言(0) 人氣()