Sammi身上嘅十字架吊墜其實幾浮誇,但佢將條鏈扣喺條頸帶上,又真係幾有心思。 

媽咪姐

Sammi潮爆撐主

媽咪姐冇宗教信仰,但都覺得信仰呢件事可以好型!好似周一( 24日),出席孭飛新戲《盲探》嘅鄭秀文( Sammi),就將十字架玩到淋漓盡致。一般保守型教徒可能會戴條細細哋嘅十字架吊墜頸鏈,但 Sammi就唔大唔戴,仲要將條鏈扣喺黑色頸帶上,營造跌宕效果。呢位神婆,認真潮爆!

 

 


Sammi呢日戴咗好多配飾,好似佢左手嘅牛皮手帶,就喺拍《盲探》時戴過,擺明係私伙。 

Sammi信耶穌,劉華係佛教徒,但 Sammi就不時將條十字架頸鏈打落劉華身上,百無禁忌! 

Sammi着嗰對高踭鞋,係荷里活女星追捧嘅英國潮牌 Rupert Sanderson!佢仲要係全球首位女星着呢對閒閒哋過六千蚊嘅 three tone新款,潮流先鋒。

tvb4life 發表在 痞客邦 留言(0) 人氣()