滕麗名發現媽咪姐後,繑住手兼扁晒嘴,維持十級戒備狀態! 

媽咪姐

滕麗名忟憎揀雪茄

情路離奇曲折嘅滕麗名,早排終於宣布同 Canon高層朱建崑修成正果,年尾拉埋天窗。不過喜事傳出冇耐,過氣男友魏駿傑喺國內節目重提舊情,激到滿肚火嘅阿滕要同佢隔空罵戰。

 

俾舊男友數,條氣梗係 chok住 chok住!前幾日,媽咪姐見佢喺尖沙嘴買雪茄俾未婚夫,就面燶燶好似嬲咗成村人咁。到等的士嗰陣,佢發現咗媽咪姐,更嘴扁扁斜視媽咪姐,喂喂!唔係我激嬲你呀,千祈唔好殺錯良民呀!


雖然心情麻麻,但無礙阿滕購物慾,當日佢就掃咗一大袋雪茄返歸。 

上的士後,阿滕繼續用凌厲眼神監視媽咪姐。好好好,影埋呢張就走。 

滕滕終於搣甩小三之名,同男友朱建崑修成正果,年尾拉埋天窗。咁開心,笑吓啦!

tvb4life 發表在 痞客邦 留言(0) 人氣()