生仔冇共識08年結婚的單立文,與老婆胡蓓蔚造人造足五年,依然未有喜訊。近日 54歲單立文心急等唔切,打算同 41歲老婆商量做人工受孕,結果遭老婆拒絕,兩夫妻即係傾唔掂數。 

娛聞樂

為生仔駁火 豹哥恨做人工受孕 豹嫂:你叫佢搵第二個試

新劇《熟男有惑》中, 54歲的豹哥單立文賤男形象深入民心;現實中,他與拍拖 11年的胡蓓蔚於 08年結婚,可惜婚後五年依然未有所出。據知恨生仔恨到發燒的單立文,曾向老婆提議試做人工受孕,但事業心重的胡蓓蔚有感自己年紀大,決定封肚。此舉令單立文相當不滿,性格火爆的他更試過為此事與老婆爭執。
上周一( 17日),本刊記者問過胡蓓蔚。對於單立文想試人工受孕,她竟發晦氣說:「你叫佢搵第二個試。」火藥味濃!

 

54歲的單立文, 08年娶了胡蓓蔚後,繼續過住二人世界。在新婚初期,胡蓓蔚明言:「生仔順其自然啦,設唔設防要問我老公。」豹哥豹嫂結婚初期晚晚不設防,可惜豹嫂肚皮一直冇聲氣。現年 41歲的胡蓓蔚最終放棄造人,最近談到生育話題,她更落閘表示:「我諗我都唔打算生 B啦!」

豹哥老來追仔

其實兩公婆一直喜歡小朋友,單立文曾在訪問中說過:「身邊朋友好多都有下一代,我都好羨慕佢哋。依家啲細路返屋企就入房打機,唔會同老竇阿媽講句嘢。我好想鼓勵大家多啲親子,一家人要坐埋一齊有商有量。」恨子心切之餘,原來他已經想定一套教子方法。
滿腦育兒大計,不過一味得個講字都冇用,據悉單立文近日坐言起行,四方搜集人工受孕資料。知情者說:「最近豹哥同阿嫂提議試吓用人工方法,但阿嫂好抗拒,話與其咁辛苦用人工受孕,不如養隻狗仔陪吓仲好。加上兩個都要返工,話生完出嚟都冇時間湊,不如唔好生。佢哋為咗生仔一事仲嘈過幾次。」


少有拍攝電視劇的單立文,電視劇代表作要數到 97年《大鬧廣昌隆》,他飾演捉鬼道士。之後便是現正熱播的新劇《熟男有惑》(圖),唔少網民都讚他賤格抵死,比起《玩嘢王》李思捷和視帝郭晉安更突出。 

三級片王雖然單立文指老婆年紀大要做人工受孕,但早前亦有報道指生唔到仔,是由於他早年拍了不少三級片,搞到身體機能差冇得生。對於這個無稽傳聞,豹哥笑言:「傻嘅先會信!」 

老婆拒做人工受孕

對於做人工受孕一事,日前記者訪問單立文,他承認自己心急生仔,更坦承想用人工方法。「有仔梗係想趁嫩生。(我哋知道你想試人工受孕,係咪覺得成功機會高啲?)係,我都想試吓。老婆年紀唔細, Paisley(胡蓓蔚)佢都話過驚自己年紀大。」
老公恨仔恨出面,可是當記者將此事告知胡蓓蔚時,她即時瞪着眼,怒氣沖沖說:「從來都冇刻意去追,屋企人都好 open,唔生都唔係大件事。(豹哥話同你講過想試人工受孕喎?)吓!冇,佢冇同我講過!佢幾時同你講㗎?咁你叫佢搵第二個試囉!(你哋依家有冇設防?)剛結婚嗰陣就冇,依家一直都有!(即係唔生?)總之順其自然啦。」老婆講明有設防,單立文想生都幾頭痕。


豹哥黑面兩夫妻為生仔出現嚴重分歧,上周二人約李亞男到將軍澳假日酒店食飯,其間豹嫂胡蓓蔚與李亞男又攬又錫,依依不捨道別,但一直行前的豹哥卻一臉不耐煩。 

上車冇偈傾跟李亞男分開後,豹哥豹嫂步行到停車場的十分鐘,一直冇傾偈亦冇對望過,現場充滿火藥味。 

呻老婆年紀大單立文和老婆胡蓓蔚結婚五年,結婚時單立文已講明恨生仔,還說老婆年紀唔細,所以要盡快努力造人,可惜兩公婆原來對生仔問題一直未能協調。

撰文:娛樂組 
攝影:攝影組

tvb4life 發表在 痞客邦 留言(0) 人氣()