Kelly Fu金屬色皺褶 bodysuit$16,500Burberry Prorsum銀色綴閃石 choker$27,100Lanvin橄欖綠色綴金鎖皮手帶$4,600Louis Vuitton金色綴綠色 zig-zag線條手鈪$480綠色緄金邊手鈪$480黑色緄金邊粗手鈪$540金併綠色幼手鈪$320深綠色緄金邊手鈪$480all SYL 

cover face

傅嘉莉 釋放自己

如果說,模特兒是一塊演藝圈踏腳石,這條石頭路, Kelly Fu行了十年;期間雖然也拍過不少大型廣告,電影亦唔算少,對手由成龍父子、劉青雲、方力申至余文樂,粒粒大星,然而,講到自己真正有名有姓的表演,便是即將出街的《衝上雲霄 II》,終於泊得無線大碼頭,「好似中獎」,所言非虛!
一向精明理性的她,眼見機不可失,馬上由冷變熱,信誓旦旦地說,要將埋藏多年的內在情感傾瀉出去,適逢新劇上場,首個談情對手為吳卓羲,緋聞當熱,便藉着這個口中的「好朋友」,去表白一番自己想透過做戲學習愛人的熱情云云。
坐擁向海洋樓,出入有貼身女傭服侍的 Kelly,置身海闊天空,前途一片光明。

Profile
 

Kelly Fu
出生日期: 1985年 1月 6日(山羊座)
出生地:香港
身高: 5呎 6吋
體重: 110磅
語言:普通話、廣東話及英語。
簡歷:高中時,星探發掘入行當兼職模特兒。 03年,參演電影《無間道 II》,逐漸轉型。
主要作品:廣告,必勝客、芝柏婚紗攝影、三越百貨( 05), Pond's、 Pentax數碼相機( 06),可口可樂( 10)。電視劇,《當四葉草碰上劍尖時》( 03),《衝上雲霄 II》( 13)。電影,《無間道 II》( 03),《追兇》( 12)。
微博: http://weibo.com/kellyfu 


想試吓轟烈愛情
 

80年代,流行玉女,七情六慾只許收埋床下底,時移世易,做明星做粉絲夢醒時份,明白兒女私情瞞得一時唔瞞得一世,「依家愈來愈多藝人公開戀情,這才健康。」
Kelly為現代人,也索性攤開肚皮認句「我恨拍拖」,好過日後偷偷摸摸。「感情一向低調,萬一被影到亦唔會解釋太多。」
恨還恨,也要分主次。「依家,真係唔捨得放棄事業;「愛情對我來講,未必好似其他女仔咁好想熱戀,起碼暫時唔好住,等到事業達到某一程度之後,我至會諗好愛呀好想結婚呀之類;「目前,只希望有個人陪,大家互相支持,同時,繼續事業。」
中學未畢業已入行,鏡頭下,穿盡名牌化盡靚妝,沒因此喪失理智,積穀防饑,儲錢買樓再樓換樓,「 22歲已做業主。」由沙田第一城搬去太古城再搬去海景單位,可想而知,這女孩真懂打算。
「細個時,朋友喜歡討論男仔,我不停跟自己講『唔恨拍拖更加唔想結婚,唔好搞我。』」拍過幾多次拖?「五隻手指數得晒。
「讀書時,拍得最耐,當時一邊讀書一邊做 model,根本唔夠時間用,久而久之,大家變成朋友,即使分開都冇乜太大感受。」難道初戀也不深刻?「未試過一段轟烈愛情,朋友都話『你有冇試過想死呀?』我又真係冇,分手都係淡淡然;「人大了,好想轟烈一下。」這種情懷,出自 28歲傅小姐把口,嚇我一跳。「我有時同個天講,好想試吓心痛感覺。」無病呻吟針拮唔到肉,但當真來個死去活來,你又受得住嗎?
「我都試過一次,跟一個人去到差唔多開始階段,對方突然做出一啲事傷害我,一剎那,成個人離咗心,崩潰一刻唔識喊,只係呆住,原來,撕裂嘅感覺係咁樣。」說時眉心緊皺,依家覺得點?「當儲起人生經驗,呢份感覺第時做戲用得番。」這豈不等於將傷口循環再用?戲內戲外,情感轉移,聽落又幾划算。


Kelly Fu紅綠間綴拉鏈泳衣(未定價) Michael Kors金色 choker$10,200 Lanvin金色綴吊墜長頸鏈(未定價)( worn as bracelet)Louis Vuitton綠色緄銀邊手鈪$480金併綠色幼手鈪$400both SYL 

Kelly Fu藍白色印花透視泳衣$7,100 Chanel純銀 choker$6,600純銀鎖鏈形頸鏈$7,800純銀波浪形手鈪$9,200純銀綴啡色茶晶手鈪$9,200純銀綴綠色瑪瑙手鈪$9,200all Georg Jensen 

03年在《無間道 II》中,飾演余文樂女友,十年來,外形完全沒變,厲害。

10年跟成龍、房祖名合作拍內地廣告,呢啲機會唔係個個有。 

13年孝順女跟兄弟送上鮮花和蛋糕,跟媽媽慶祝生日,都話生女好! 

拍劇例牌傳緋聞,「預咗!卓羲好資深好 professional,唔會認真看待。」係咪官腔先?


癲就癲啦
 

講感情,輕輕的、淡淡的,似讀台詞,訴說着別人的故事。家中排行第二的 Kelly,一兄一弟,「阿哥大我年幾,細佬細我 11年。」所謂獨女,被媽媽看作大女養,「我要煮飯執屋,男仔乜都唔使做。」傳統家庭,講求一家人和諧,個人情感,惟有收收埋埋。「成長背景令我個人好獨立,自己照顧自己。」
定期俾家用之外,過時過節、屋企裝修、細佬讀書,也是她一手包辦,「係有壓力,但都係福氣,代表我有能力。」
女人有能力,好易做錯事,辛苦儲來血汗錢,一朝喪! Chanel走唔甩, CÉ LINE也不俗, Kelly卻絲毫不動心,「人生從未有過一個 Chanel,最貴一個袋係五年前趁減價時買嘅 Burberry,七千幾蚊,好唔捨得。」儲埋咁多,他朝男友搵得比你少,點算?
「以前有個男友好懶散,我不停叫佢發奮,對方終於開公司做老闆,分咗手,返嚟多謝我㖭!」
即是你唔介意女尊男卑?「我唔介意,係男人介意;「睇吓兩個人有幾愛,愛夠 strong,好多嘢都解決到。」
真係咁理性?「我都情緒化,依家好想將內裡釋放出去,拍戲需要情緒化,癲就癲啦!」戲如人生,就係咁簡單。


Kelly Fu白色印海星圖案 bikini金色粗頸鏈金色吊墜粗手鏈金色戒指(均未定價)all Versace金色綴幼鏈粗手鈪$1,950Michael Kors黃白格仔外套$23,600Louis Vuitton黑色綴金屬踭高踭鞋$16,500Giuseppe Zanotti Design綠色透明 box clutch$20,900Stella McCartney 

Kelly Fu黑底彩色圖案 bikini$4,100Dolce& Gabbana彩色綴水晶及冷球頸鏈$8,930Mario Testino for Mateboth from NET-A-PORTER彩色印圖案絲巾金色綴彩色草球吊墜耳環(均未定價)both Dolce& Gabbana 


後記
 


Kelly Fu藍白間草織 bra top及短褲(均未定價)both Dolce& Gabbana橙紅色樹脂膠花形頸鏈$26,700 Gucci金色鑲綠色石幼手鈪$3,100金色鑲橙色石幼手鈪$3,100金色花形戒指$3,350金色鑲水晶戒指(未定價)all Louis Vuitton 

通常有能力買靚屋嘅人,都好鍾意呻,呻悶呻冇人陪, Kelly Fu大屋裝修又靚又舒服,只得自己、菲傭和貓兒,唉!
轉念間,她又開始數算閒時有幾忙,睇書、睇戲、畫畫、護膚、護髮……
若多一個人,盞阻手阻腳。
「想拍拖要念力,有心諗就會有。」咁點解你成年幾仲未識到新男朋友?
「可能我仲未真係好有心。」一心可以很多用,等於手握一籃子貨幣,想點投資就點投資,事業、房地產、男人……
既然豁出去,貪心一點,想樣樣兼得,也屬人之常情啫!


Shop List
 

Burberry中環歷山大廈 101A號鋪 2868 3511
Chanel中環太子大廈 G18-20號 2810 0978
Chloé金鐘太古廣場 366號鋪 2918 1686
Dolce& Gabbana中環歷山大廈 G02號鋪 2877 5558
Georg Jensen中環國際金融中心 2082號鋪 2234 7180
Giuseppe Zanotti Design中環國際金融中心 2072-73號鋪 2805 0890
Gucci中環置地廣場 G23-30號鋪 2524 4492
Lanvin中環雪廠街 10號新顯利大廈地下 3號鋪 2205 0013
Louis Vuitton中環置地廣場 G7-17號鋪 2523 2915
Michael Kors尖沙咀半島酒店 W2及 4號鋪 2366 2301
NET-A-PORTER http://www.net-a-porter.com 
Stella McCartney中環置地廣場 233-4號鋪 2801 6793
SYL尖沙咀 The ONE UG1號鋪 3169 3680
Versace金鐘太古廣場 308號鋪 2918 1008


撰文:伍淑嫻 
形象: Karen Ling
攝影: Kenji Leung
化妝: Winki Tsang@VINCI WINKI workshop
髮型: Bonnie Reid@Suavé The Peninsula Hotel

tvb4life 發表在 痞客邦 留言(3) 人氣()