膠面鍾麗緹陪坐飲多兩杯,城城開始眼迷迷,即使被「膠面鍾麗緹」挨落背脊合照,他亦無任歡迎。 

大封面

十二北姑坐房 郭富城醉蒲上海夜店

野馬難馴, 47歲郭富城與熊黛林無痛分手後,便立即回復單身本色,賭馬摸雀打邊爐瓣瓣做勻,據知近日他更經常約埋死黨夜蒲。

本刊從特別途徑取得一批城城本月中在上海的夜蒲相,相中城城飲大兩杯,不時露出高潮眼貓樣。記者發現相中有十二北姑列陣陪酒,而城城更與其中一名「膠面版鍾麗緹」特別投契,全程黐到實。

看來冇王管的城城,今次真係:來吧來吧狂熱地野。

 

6月 15日,城城現身上海國際電影節,興周潤發、甄子丹等演員宣傳電影《大鬧天宮》。當晚城城神采飛揚,即使站在身高六呎的周潤發身旁也毫不輸蝕。一眾演員行完紅地氈,更齊齊赴大會安排的慶功宴,摸下酒杯底。由於《大》片翌日下午便舉行新聞發布會,所以未到凌晨十二時,城城就與一班工作人員先行返回酒店休息。


V煞 Mango黐身 

繑手合照城城對這位「膠面鍾麗緹」似乎十分受落,二人當晚全程連體之餘,更繑住手合照。 

瞞小美偷蒲

不過城城原來還有下文,他折返酒店後第一時間並非立即沖涼上牀,而是換衫準備下一場。據知,當晚凌晨一時,城城撇甩經理人小美,偷偷地離開酒店,相約人稱「 Law記」、任職沈嘉偉公司律師的圈外好友,齊齊坐車出發往上海明星蒲點「 M2 Club」,再戰 private party。一名有份出席該 party的賓客說:「個 party喺二樓 VIP房搞。嗰晚好多女,大約有十二個係嗰度駐場 PR,專門陪客人猜枚劈酒。城城一嚟到,班女直頭癲咁滯。當時有人立即嗌唔准影相,所以班女唔敢做啲咩!」


High唱〈愛的呼喚〉 

在沈嘉偉介紹下,城城和「 Law記」成為好友,經常約理去滾火鍋。 

忘我唱 K


醉蒲之前城城和周潤發、發嫂、張兆輝等人現身上海國際電影節,當時他打晒煲呔,官仔骨骨。 

不過總有人唔守規矩,本刊就從特別途徑獲得城城當晚夜蒲相。相中所見,現場的確有為數不少的國產佳麗坐滿房間,個個一臉濃妝,低胸短裙,一副戰鬥格。記者發現城城當晚全程揸住香檳飲唔停,飲到面紅耳熱, high到對眼擘唔開咁滯。難怪現場有人影相,他亦未有抗拒。目擊者說:「嗰晚成枱都係香檳,城城一個人都飲咗成十杯八杯,話唔醉真係呃你。班女見城城有醉意,咪黐實佢影相。其中一個幾好身材嘅女仔鬼死咁主動,全程 mark實城城,不時向城城胸壓。我見佢哋都好好傾,大家仲拎咗手機出嚟,應該交換埋電話號碼㗎喇!」記者從相中發現,該名國產佳麗屬古銅色皮膚,上圍豐滿,不時胸壓城城。之後,她更遞咪俾城城大唱〈愛的呼喚〉,希望喚醒對方心中愛火。全晚表現狂野的城城,玩到凌晨五點至捨得走人。 6月 16日,城城如常出席活動見人,全程未有宿醉。看來現年 47歲的他,精力旺盛。

苟芸慧啪藥致肥

其實城城與熊黛林分手後,的確一身鬆晒,他經常約埋三五知己開雀局和入馬場,生活自由自在。嚮往這種單身生活的城城,似乎還未準備投入下一段戀愛,難怪他與苟芸慧的戀情未有更進一步。
苟芸慧在與城城的緋聞帶挈下,身家漲了不少,連帶人都肥了一個碼,由參選華姐時 115磅,暴脹到現時的 150磅,體重增加了 35磅,認真誇張。有傳曾收過無綫減肥令的苟芸慧,愈減愈肥,原來與她服食藥物有關。據知去年苟芸慧與謝天華拍攝《法網狙擊》一場同車戲,竟演變一樁車震緋聞,成為雜誌封面主角,令苟壓力爆煲,要搵精神科醫生求救,服食藥物來控制情緒。「謝天華有老婆,家陣阿苟又俾人話做小三拆散富黛戀,講到似層層,搞到阿苟喺加拿大嘅父母都信以為真,叫佢退出娛樂圈返加拿大做 OL,過番啲正常人生活。阿苟近呢半年晚晚爆喊,情緒大上大落。原本食開抗抑鬱藥嘅佢,仲叫醫生加重藥,但嗰隻藥食肥人,搞到佢唔食嘢都肥,冇計!」
為身體健康着想,加上即將投入拍攝新劇《飛虎 II》,據知苟芸慧近日已開始減少服藥次數,希望慢慢搣甩減肥藥癮。她計劃於兩個月內減走 35磅肥膏之餘,更減埋負面情緒。記者就此事多次致電苟芸慧,但截稿前仍未獲回覆!


暴肥 今年 150磅四年後的苟芸慧已脹到有 150磅,除了塊面圓到有雙下巴外,她即使着住鬆身裙,水桶腰亦無所遁形。 

弗爆09年 115磅五呎七吋的苟芸慧 09年參選華姐時只得 115磅,屬於標準身形,當時面尖尖的她要腰有腰。 

笨重肥貓上周四( 20日)苟芸慧於《 TVB廣告頒獎禮》上扮貓女郎,由於肥肉橫生,苟索性包到冚,她擺甫士時亦顯得動作笨拙。 

去年苟芸慧和謝天華拍攝《法網狙擊》這場戲時,竟成為車震女主角,苟其後出席活動時亦忍唔住當場灑淚。 

醫生:抗抑鬱藥致肥

苟芸慧暴脹 35磅,原來是啪藥所致。精神科醫生朱立新表示,某幾種精神科藥物會令人體重增加,他說:「某啲抗抑鬱藥同思覺失調藥,長期服用會引致肥胖。如果另加減肥藥,隨時對身體有害,醫生並唔建議。」

熊黛林出招

苟芸慧要一段長時間才可洗走「肥苟」稱號,相反被城城狠撇的熊黛林,卻一副「活得比你好」姿態,除自爆有圈外男士追求外,更經常於微博發功,力證自己已從情傷掙脫過來。知情者說:「始終七年感情,唔係話放低就放低。阿 Lynn(熊之洋名)真係有人追,不過條件就唔啱佢胃口。佢同班 friends講過,話要同城城鬥快搵到另一半,唔輸得咁話喎!」熊黛林日前已從峇里回港,就城城醉蒲上海夜店一事,記者連日來在她家守候,但截稿前依然未見人。
城城曾說:「我唔急結婚,希望唔好超過 55歲啦!」今年 47歲的城城,這種單身生活應該有排玩,熊黛林要收復失地贏前度,真係「動起來」咁易!


微博證冇事當愛已成往事,熊黛林連月來經常於微博留言證明自己克服情傷。但其實無私顯見私,熊黛林愈去證明冇事,就愈顯得她對舊情依然在乎。 


峇里散心城城於上海玩到癲,熊黛林亦毫不輸蝕,上周與家人到峇里旅行,其間她更將谷胸泳照擺微博狂晒。 

上周五( 21日),於上海蒲完的城城返香港出席慈善活動,記者發現他警覺性相當高,知道有記者跟蹤後,便立即回頭狂啤採訪車。 

解構萬呎星級夜店

城城今次醉蒲的夜店,位於上海南京西路恒隆廣場 5樓的「 M2 Club」。 07年 8月開張的「 M2 Club」由劉嘉玲和好友夾份投資二千萬開業,由於劉嘉玲經常落場坐鎮,加上場內有多名保安駐紮,私隱度極高,難怪吸引不少明星客仔。
「 M2 Club」佔地過萬呎,樓高兩層。一樓設有大型舞池、舞台及 35個卡位,最多可同時容納三百人。為搞氣氛,現場亦設有很多國產 PR駐場,除陪客人飲酒吹水外,更會到舞池中央及舞台跳火辣艷舞。而二樓則有兩間大型 VIP房,房內設有卡拉 OK。城城今次飲飽食醉,就在其中一間 VIP房發生。
「 M2 Club」屬中高檔夜場,收費較貴,普通一杯 cocktail人仔 80元至 150元不等,香檳一支要賣 800元人仔。而 VIP房設最低消費,至少 1萬蚊才可享用 VIP房。但顧客若然是有頭有面或熟客,當然可以免費包房。


「 M2 Club」開幕初期,老闆之一的劉嘉玲頻頻現身酒吧打躉。 

「 M2 Club」樓底特高,位於二樓的 VIP房更有落地玻璃,飽覽舞池春色。 

每逢周五、六或公眾假期,「 M2 Club」的吧枱就變成一班 PR跳辣身舞的舞台。《蘋果日報》圖片

冇女友一身輕

今年 47歲的城城可謂一隻冇腳的雀仔,自 4月狠飛熊黛林後,一直 keep住「無痛分手」的狀態,摸雀、賭馬與飛車樣樣放膽做,真係冇女友一身輕。

 


《蘋果日報》圖片 

通宵摸雀
4月 19日,亦即熊黛林於微博宣布七年情玩完翌日,城城立即大解放,相約三五知己到灣仔謝斐道打通宵麻雀。離開時更笑瞇瞇對住鏡頭任影,分手後仲風騷。

 

鍊贏賽車
一向屬鍊車之人的城城,今年 5月就去珠海參加「奧迪 R8 LMS盃」業餘賽車組賽事。唔使心掛掛另一半的城城,落場俾足油放盡去,終於擸埋冠軍。

 


《蘋果日報》圖片 

豪氣賭馬
曾奉勸馬迷賭馬要量力而為的城城,回復單身後,頻頻入馬場為愛駒「愛將」吶喊打氣,最終又俾佢成功拉頭馬,贏得獎金約 40萬。


採訪、撰文:娛樂組
攝影:攝影組

tvb4life 發表在 痞客邦 留言(0) 人氣()