為咗清貨, Susanna不定期搞開倉,部分貨品減價至每件$20、$30,嚟緊 6月 28及 29號又有開倉。 

職場起底組

Follow up 推出自家童裝 生意額增 3成

家長們都捨得花錢在小朋友身上,無論家中有幾多衫,只要見到得意童裝,都會忍不住購買,本身主打童鞋嘅 Susanna, 3年前開業,主要以開倉作招徠,近年以 facebook作銷售渠道,累積到唔少媽媽客,上年更推出自家品牌童裝,減低成本,及增加獨特性,令生意額增加超過 3成。

 

BB Stylist喺 10年開業,主要售賣童裝鞋,每月搞開倉, 2日可賺到過萬收入。事隔 3年,老闆娘 Susanna改喺 facebook賣貨,陸續引入童裝衫,「原本我哋賣鞋,係貪少競爭,但啲客話唔會成日買鞋,通常半年先買 1、 2對,但衫就會唔停咁買,於是我哋開始入多啲衫仔、裙仔等。」
Susanna走平價路線,售賣的童裝一般唔超過$100,「通常衫仔一過$100,已經冇乜反應,所以我哋標價唔會太高,寧願平賣,快啲轉款,𠵱家差唔多 2、 3日就會有新衫。」
由於入貨與內地廠混熟,去年她索性設計埋衫,推出自家品牌,「設計會以簡約同舒適為主,舊年到𠵱家都出咗過百款衫、褲及裙仔,價錢都係幾十蚊。」今年 Susanna仲開始入其他貨品,好似日本進口嘅卡通餐具,以及一些親子裝。雖然現時 facebook嘅童裝競爭劇烈,但 Susanna生意額相比 3年前增加超過 3成,每月盈利超過 2萬。

BB Stylist
facebook: bbstylist outlet



自家品牌格仔裙$50Susanna未來想再入多啲唔同產品,同埋試吓同其他公司合作,「嚟緊我哋會同一間八達通表鋪合作,客人買雙方產品就會有折扣。」 

八達通手表$285

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵有乜好工跳槽,刮盡各行筍料秘聞。


撰文:打工達人
攝影:崔百祥、何倬然

    tvb4life 發表在 痞客邦 留言(0) 人氣()