潮𡃁便當

烘焙天下

烘焙( bakery),泛指一切要用焗爐烤製的製品,經焗爐一焗,嗰陣隨空氣飄浮嘅香氣,鑽肉入骨,餓起上嚟點頂!
上星期初( 6月 11日),台灣パン達人開業,上月初( 5月 1日),已有一間分店的 Urban Bakery殺入旺角,紅了多年的曲奇店 Jenny Bakery,亦在尖咀消失後重生,台式、法式麵包加本地薑曲奇,烘焙一詞,今夏必大熱。

小 S麵包店過江 款口味夠多夠奇

台灣有 17間分店、由台灣藝人小 S老公開設的パン達人, 6月 11日過江來到香港,玩前鋪後工場形式,工場甚至做埋發酵工序,採用天然酵母,一桶桶發酵中的葡萄乾 mark好日期放在冰櫃,以 7日為期,麵包由冇變有要 9天,冇諗過麵包店亦係工場!麵包半小時出爐一次,每次出 2至 5款,由於款式多達 70款,多到採訪當日都未能一窺全豹,而且口味獨特,如蔓越莓芝士、香橙、藍山咖啡及芝士紫薯等。麵包分量做得較坊間麵包大,非常鬆軟,有別一般烘到香脆奪人的麵包,食完唔會牙都攰埋,軟綿綿好受落,而且用料足,話明係芝士,咬開真係一包都係,唔呃人,價錢較高都合理。

款式:★★★★★(多達 70款,口味創新特別)
鬆軟度:★★★★★(麵包 sell鬆軟,就算係法式香腸包都唔算硬。)
出爐時間:每半小時出爐 1次。


パン是胖的意思,原來店內亦有一個胖師傅做 icon。 

土耳其發酵果子$30 

心之戀$30

米蘭諾香橙$28 

發酵中的葡萄乾。 

 

パン達人手感烘焙
地址:太子彌敦道 763號 GF shop A
電話: 2396 5100
營業時間: 10am-麵包售完

法式之最 人氣牛角包升呢夾龍蝦

去年旺區銅記開第一家店的 Urban Bakery,牛角包人氣 no.1,至今創下 60萬隻紀錄,不足一年麵包店即在 MK開分店。銅鑼灣旺角雖然話就話係同一間店,不過旺角一款糖牛角包,就係本店獨有,焗好後鋪上法國黃糖醮牛油燒溶表面,酥脆可口到皮碎一地都係,新推出仲有龍蝦仔咖喱牛角三文治,咖喱膽乃精華所,用上意大利鹹魚、蒜、洋䓤及自調咖喱粉整成,咖喱味不濃,用嚟帶起龍蝦鮮味,加上係凍食, refresh多過口乾。而另外一款傳統法包牛油圈,也是旺角店獨有,烘得極脆身,微硬,有 3種口味如橘子、杏仁及芝士等,推介杏仁圈,香脆杏仁烘香味濃,逐片搣落嚟食都得。

款式:★★(多達 20款)
鬆軟度:★★★( sell烘得脆,大部分包款一咬滿碎飛)
出爐時間:牛⻆包半小時出 48隻,其他包款視乎銷量而定。


 

Urban Bakery
地址:旺角朗豪坊地庫 2層 8號鋪 Market Place by Jasons內
電話: 3580 8954
營業時間: 8:30am-9pm

早起的理由 牛油飛香熊仔餅

2005年開業的 Jenny Bakery,因為平靚正 product火速走紅,店鋪亦因此開始游擊生涯;由於人龍令店鋪不獲續租,需不停尋找新落腳地。重慶店結業之後,店鋪 1個多月前轉到尖咀美麗都大廈開業,繼續走唔起眼門面路線,人龍 9點鐘開始, 11點鐘即散,原因係每日新鮮由工場運到的手製曲奇, 2小時內定必賣完,癲!有 4mix牛油曲奇及 8mix杏仁曲奇兩款共 4隻 size,前者包括 4款曲奇如鬆牛油、脆牛油、咖啡及燕麥提子味;後者 8款口味,最突出如咖啡杏仁、杏仁朱古力等,餅身鬆脆,牛油味香濃,喊住驚地道曲奇小店消失嘅你,放心好了!

款式:★(專賣 2款罐裝曲奇)
鬆軟度:★★★★(曲奇酥脆,入口即化。)
出爐時間:早上 9時 1轉,賣完即止。



4 mix牛油曲奇$120(大)$65(小) 

8 mix果仁曲奇$165(大)$105(小) 

訪問當日約早上 10時,親見大排長龍奇景。 

 

Jenny Bakery
地址:尖沙咀彌敦道 54-64號美麗都大廈地下 24號鋪
電話: 2813 8568
營業時間: 9am-8pm


撰文:梁智欣
攝影:崔百祥

    tvb4life 發表在 痞客邦 留言(0) 人氣()