探熱針

扶手棍 姪女呂善婷選港姐 呂良偉落柯打谷

與友人合作在內地經營安裝的士顯示屏公司,進軍傳媒市場的呂良偉生意愈做愈大,近日因姪女呂善婷( Angel)被無綫招攬參選港姐,一直視對方如己出的阿呂,順勢落本大搞旗下只有他自己和老友鄭則士兩丁友的娛樂公司,除開拍電影捧新人外,更落令老婆楊小娟做掌舵人。

幕後做起

呂良偉姪女呂善婷,早有意入娛樂圈發展,數年前開始跟隨伯父拍戲做助手,按部就班由幕後再跳幕前。據知見過唔少圈中前輩的她,常被讚樣甜有條件,早前無綫更派人聯絡,游說她參選今屆香港小姐。
「佢細佬兩個女,一直都係由阿呂供書教學,家姐善瑩幫媽咪手做餐廳, Angel(善婷)想入行,阿呂就安排佢做助手由幕後做起,但都只係做咗一段時間。 Angel準備今年入行,阿呂已經叫小娟幫手睇住,佢自細同阿呂一齊住,同小娟感情亦好好,有咩都會同小娟講。其實 Angel對選美都有興趣,但又想拍戲,而家都十五十六。」知情者說。


20歲的 Angel遺傳家族大眼高鼻 DNA,近日放在微博的生活相,有她到日本旅遊及玩狗相,都是笑容十足, sweet到爆。 


阿呂跟鄭則士在內地拍戲,做助手學嘢的 Angel(後左二)素顏上鏡。 

楊小娟跟阿呂投資的觸動傳媒早前搞活動,好友汪詩詩跟溫碧霞出席撐場。 

攞獎次要

去年至今拍了四個電視劇三部電影,大部分時間在內地的呂良偉,日前回港小休,兩公婆相約旗下女新人董藝薇食日本菜。
對於姪女選港姐,呂良偉說:「我都有同佢講,如果真係參加選美,都係當一個課程去參與,唔好將得失睇到咁重,攞獎係其次,學到嘢先係最重要。公司都簽咗唔少新人,我都有同佢哋講,公司要俾好多資源去捧人,如果佢哋唔珍惜機會,真係嘥晒大家心機,如果 Angel入行,公司嚟緊會大搞製作開幾部電影,其中一部係三十年代懷舊片,一部係時裝片, Ken哥(鄭則士)梗係鐵膽,但都會預埋佢。」


阿呂回港小休,即與老婆約埋旗下新人董藝薇食飯傾工作。 

董藝薇被內地傳媒喻為翻版劉嘉玲。 

阿呂早前在內地參與《舞出我人生》,帶挈董藝薇在節目中表演跳舞。 

呂良偉跟無綫吸金王鄭嘉穎合作內地古裝劇《華胥引之絕愛之城》,兩個來自香港的自己友不時約埋食飯傾偈。 

老婆揀蟀


呂良偉跟老婆被拍到在中環 Landmark,與金牌製作人崔寶珠傾密偈,據知雙方正計劃合作。 

娛樂公司大搞,呂太楊小娟全力做掌舵人操控。
「佢邊度有咁多時間,內地有生意要理,又要成日周圍飛。不過,小娟好關心自己嘅藝人,佢哋該做唔該做嘅,都會同佢哋傾,好似董藝薇,就因為佢哋喺北京大學讀短期課程時認識,小娟知道佢跳咗十幾年芭蕾舞有條件,所以先簽入公司,亦會提醒佢有咩要注意。」呂良偉說。

快人一步

娛樂圈競爭大,就算有樣有身材都要排隊爭餐死,但有屋企人做靠山就唔同講法,多了一層人脈關係,機會多咗,寃枉路都行少啲!

向佐

向華強夫婦為栽培兒子向佐,不但安排他學唱歌學功夫,更由肥仔操到變肌男,早前又花過百萬學費,拜師詹瑞文學做戲半年。向佐學有所成後,向華強夫婦仲搞咗個「向佐獨腳戲首演」,大導杜琪峯都捧場指點,稍後中國星會再投資開戲,捧向佐做功夫男。

麥浚龍

出道時加盟環球,有指 Juno父親中建主席麥紹棠出錢出碟,一擲 800萬谷行宣傳。斥重金聘名師教功夫教跳舞,唱歌導師是陳潔靈,約滿後, Juno加盟其兄麥浚翹創辦的 Silly Thing;之後再同契爺陳自強合作,投資自己做新一代 cult片王。


撰文、攝影:娛樂組

    tvb4life 發表在 痞客邦 留言(0) 人氣()