黃偉文賣才華賀李蕙敏出嫁

潮人黃偉文(Wyman)和李蕙敏(Amanda)昨日出席銅鑼灣「北斗翁火鍋」利舞臺新店開幕儀式。今秋將出嫁的Amanda笑言要Wyman贊助她在火鍋店擺酒,又透露老友送金器賀她結婚:「有個十幾歲識嘅朋友無啦啦嚟我屋企,以為佢有心事,原來佢趁金價平買金器畀我,好感動。」她透露可能回港再搞多次宴請香港親友,但驚請漏人。



黃偉文和李蕙敏在火鍋店開幕禮上雞啄唔斷。

另外,Wyman抵死地表示Amanda嫁得出令他放下心頭大石:「當年寫咗首《你沒有好結果》畀佢,擔心變咗幫佢趕客。」他笑言要寫首李蕙敏版《小玩意》給她,更笑言為Amanda客串做大妗姐。

李蕙敏𢱑贊助擺喜酒


李蕙敏(左)、黃偉文

今年好多喜事,李蕙敏(Amanda)會喺10月飛去英國結婚,噚日同黃偉文喺銅鑼灣做剪綵嘉賓,一身紅噹噹打扮俾黃偉文笑試穿裙褂,問Amanda會唔會喺香港補擺喜酒?佢話:「有贊助咪搞,我想簡單,點知越請越多人。」盧巧音同樂隊Kolor成員Sammy又會今年結婚,噚日Sammy喺將軍澳出席活動,佢話:「已經入紙排期,前年已求咗婚,但因兩個都忙,所以先等到今年結,但一切會從簡。」
撰文:馮仁昭

tvb4life 發表在 痞客邦 留言(0) 人氣()